„Reglur varðandi klæðaburð eru orðnar barn síns tíma“

Til skamms tíma voru konum sett ákveðin mörk um klæðnað og útlit eftir að ákveðnum aldri var náð og það vakti hneykslun umhverf­is­ins, með til­heyr­andi augna­gotum og umtali, ef þær fylgdu ekki regl­unum, en sam­kvæmt einum fremsta tísku­sér­fræð­ingi lands­ins er það liðin tíð að konum séu sett slík mörk.

Okkur á Vikunni lék for­vitni á að vita hvort reglur um mis­mun­andi klæða­burð eftir aldri væru enn í heiðri hafðar innan tísku­heims­ins og spurðum því Álfrúnu Páls­dóttur, fyrr­ver­andi rit­stjóra íslenska Glamours, hver staðan væri í þessu máli í raun og veru. Hún vill ekki meina að þessar reglur séu enn í gildi.

„Reglur varð­andi klæða­burð eru orðnar barn síns tíma,“ segir Álfrún.

„Það er hluti af rétt­inda­bar­áttu kvenna í raun­inni – að við megum klæð­ast því sem við viljum þegar við viljum.“ Engu að síður eru konur enn dæmdar fyrir klæða­burð sinn, meðal ann­ars í fjöl­miðlum. „En sem betur fer eru gagn­rýn­is­raddir sem for­dæma svo­leiðis „frétta­flutn­ing“ alltaf að verða hærri og hærri,“ segir Álfrún.

„Listar yfir verst klæddu konur rauða dreg­ils­ins eru til dæmis að deyja út – það þykir ekki við hæfi lengur.“

Meðal þeirra reglna sem hafa þótt góðar og gildar fram að þessu er til dæmis að konur megi ekki klæð­ast stuttum pilsum eftir fer­tugt, ekki vera með sítt, slegið hár og ekki sýna of mikið hold, er það liðin tíð að mati Álfrúnar?

„Já, það er aldeilis liðin tíð,“ segir hún með áherslu. „Nú er reglan eig­in­lega sú að „ef þér líður vel í því – vertu þá í því.“ Fyrir marga skiptir klæða­burður máli fyrir sjálfs­á­litið og þá er gott að líða vel í því sem maður er í og „fíla sig“ sama hvað hver segir.“

Lestu við­talið við Álfrúnu í heild sinni í 24. tölu­blaði Vikunnar.

Tryggðu þér áskrift að Vikunni í vef­verslun

Mynd / Unnur Magna