Einn stærsti bakhjarl Viðreisnar eignast helmingshlut í Fréttablaðinu

Ingi­björg Pálma­dóttir, sem nú á helm­ing á móti Helga, greindi frá kaup­unum í tölvu­pósti til starfs­manna Frétta­blaðs­ins. Þar kemur fram að lengi hafa staðið til að breikka eig­enda­hóp Torgs. Þá sé til­gang­ur­inn að styrkja grunn­stoðir blaðs­ins. „Við erum því mjög ánægð með þessa nið­ur­stöðu, sem ég vona að verði til þess fallin að gera gott blað og fyr­ir­tæki enn betra en það er í dag,“ skrif­aði Ingi­björg.

Helgi gaf út sjálfsævi­sögu í febr­úar síð­ast­lið­inn titluð Lífið í lit. Bókina vann hann með sagn­fræð­ingnum Björn Jón Bragason. Þar er farið yfir átök for­ystu atvinnu­lífs­ins og líf­eyr­is­sjóða við rík­is­stjórn Jóhönnu Sig­urð­ar­dóttur eftir fall banka­manna. Helgi sat í banka­ráði Íslands­banka milli 1997-2005. Þá keypti hann 8,8% hlut í Íslands­banka árið 2004.

Helgi gaf út sjálfsævi­sögu í febr­úar síð­ast­lið­inn.

Í bók­inni er einnig fjallað ítar­lega um aðdrag­and­ann að stofnun Við­reisnar en Helgi hefur verið einn stærsti ein­staki bak­hjarl flokks­ins. Í árs­reikn­ingi Við­reisnar frá 2016 sjást að fram­lög Helga til flokks­ins numu 2,4 millj­ónum króna. Fram­lögin komu bæði frá honum per­sónu­lega og í gegnum félög í hans eigu.

Davíð Stef­áns­son var á dög­unum ráð­inn rit­stjóri Frétta­blaðs­ins. Hann tók við stöð­unni 1. júní síð­ast lið­inn. Þar áður rak hann eigið ráð­gjafa­fyr­ir­tæki á sviði við­skipta- og verk­efna­þró­unar með á­herslu á endur­nýjan­lega orku.