„Þetta er mín leið til mótmæla fitufordómum“

Ísold hefur lengi verið virk á Instagram og þar kemur hún boð­skap sínum til skila: að feitt fólk geti líka verið fal­legt. Einn dag þegar Instagram eyddi síð­unni hennar skyndi­lega og án útskýr­inga stofn­aði hún nýja síðu og virkj­aði myllu­merkið #fatgirloncam sem hefur náð tölu­verðri útbreiðslu.

„Ég fékk aldrei útskýr­ingu á því af hverju síð­unni minni var eytt. En ég get ímyndað mér að það hafi veri vegna lík­ama míns, feita lík­am­ans sem ég hef verið óhrædd við að deila myndum af,“ útskýrir Ísold.

„Ég hef aldrei verið hrædd við að sitja fyrir fáklædd en margt fólk á erfitt með að höndla það. Þetta kall­ast fitu­for­dómar. Þess vegna lang­aði mig að stofna myllu­merkið #fatgirloncam,“ útskýrir Ísold.

„Þetta er mín leið til mót­mæla fitu­for­dómum og ég vona að þetta verk­efni mitt veiti öðru fólki inn­blástur til að taka lík­ama sinn í sátt og vera stolt af vexti sínum.“

Sumir segja hana slæma fyrirmynd

Spurð út í hvaða við­brögð hún hefur fengið við skila­boðum sínum á sam­fé­lags­miðlum segir Ísold flest þeirra hafa verið jákvæð. „Flestir sýna mér stuðn­ing og hvetja mig áfram. En svo eru alltaf ein­hverjir sem neita að stíga út úr þæg­ind­ara­mm­anum sínum.“

Hún segir nokkra hafa mót­mælt því sem hún sé að gera með þeim rökum að hún sé að lof­sama offitu og sé slæm fyr­ir­mynd. „Fólk er hrætt við það sem það ekki skilur. En ég er að berj­ast fyrir breyttum við­horfum. Það þarf eitt­hvað í sam­fé­lag­inu að breyt­ast þannig að feitt fólk njóti sömu virð­ingar og aðrir.“

Ekki aftur snúið eftir fyrsta fyrirsætuverkefnið

Eins og áður sagði er Ísold fyr­ir­sæta og hefur tekið að sér fjöl­breytt verk­efni.

Spurð út í hvort hana hafi alltaf langað til að verða fyr­ir­sæta segir hún: „Hér áður fyrr hefði ég ekki trúað að ég ætti mögu­leika á að starfa sem fyr­ir­sæta. Í gegnum tíð­ina hef ég fengið ýmis ráð um hvernig ég ætti að grenn­ast, hvernig ég ætti að klæða af mér vöxt­inn og lín­urnar og fela „gall­ana“. Þannig að þegar fyrsta tæki­færið til að ger­ast fyr­ir­sæta kom þá þurfti ég að end­ur­hugsa hlut­ina upp á nýtt,“ útskýrir Ísold.

Fyrsta fyr­ir­sætu­verk­efnið var að sitja fyrir í mynda­þætti í LOVE Magazine en það var ofur­fyr­ir­sætan Kendall Jenner sem sá um að mynda Ísold.

„Eftir þessa lífs­reynslu var ekki aftur snúið. Ég fékk þetta tæki­færi og mér fannst ég verða að halda áfram að berj­ast fyrir breyttum við­horfum.“

https://www.instagram.com/p/BgRu-3LFdqk/

Ísold tekur fram að hún geti upp að vissu marki skilið fólk sem á erfitt með að höndla þau skila­boð sem hún sendir út með mynd­unum sínum. „Það fólk sem líkar illa við það sem ég stend fyrir má vita að ég áfellist það ekki. Við höfum verið for­rituð á vissan hátt,“ segir Ísold og á við að staðalí­myndin sé sú að til að vera fal­legur þurfi maður að vera grannur.

Mynd / Berglaug Garð­ars­dóttir

„En ef við getum ekki við­ur­kennt mis­tökin þá getum við ekki knúið fram breyt­ingar. Það voru við sem bjuggum þessar staðalí­myndir til þannig að það er okkar hlut­verk að breyta þeim og það er það sem ég er að gera. En mér finnst allt í lagi ef fólk fílar mig ekki, ég get elskað mig án sam­þykkis frá ókunn­ugum.“

Margar fyrirmyndir í bransanum

Aðspurð hvort að hún eigi sér ein­hverjar fyr­ir­myndir innan tísku­heims­ins svarar hún: „Já, auð­vitað. Það eru svo margar ótrú­lega flottar fyr­ir­myndir þarna úti sem eru að breyta sög­unni.“

Hún nefnir nokkur dæmi: „Tess Holliday, það var stórt skref þegar hún skrif­aði undir samn­ing við Milk-umboðs­skrif­stof­una. Svo hefur Beth Ditto alltaf verið sam­kvæm sjálfri sér. Hún var fyrsta mann­eskjan sem fékk mig til að trúa því að ég gæti gert hvað sem ég vildi, óháð því hvernig ég er vaxin,“ segir Ísold.

Hún bætir við: „La’Shaunae Steward er líka flott fyr­ir­mynd, hún leyfir sér að vera algjör­lega hún sjálf og er óhrædd við að tala um það sem hún hefur gengið í gegnum, eitt­hvað sem margir þora ekki að gera. Hún er hug­rökk og sterk og þorir að tala opin­skátt.

Það gleður mig líka að sjá hvað trans­sam­fé­lagið er að verða sýni­legt í tísku­heim­inum. Það eiga allir rétt á því að sjást og láta heyra í sér. Allir eiga skilið virð­ingu, óháð stærð, kyni, kyn­þætti og kyn­hneigð.“