Ítrekaða fékk lögregla höfuðborgarsvæðisins tilkynningu um æstan og ölvaðan mann til vandræða í miðbæ Reykjavíkur síðustu nótt. Samkvæmt lögreglu gekk hann á milli staða og áreitti gesti og starfsfólk. Maðurinn fannst síðar í verslun þar sem hann var búinn að troða ýmsum vörum inn á sig. Hann var handtekinn og vistaður í fangageymslu.
Óskað var eftir aðstoð lögreglu á skemmtistað í miðborginni. Ölvaður og æstur maður hafði brotið rúðu og ráðist að dyravörðum sem hlutu minniháttar áverkar. Hann hrækti síðan á lögreglumann við afskipti. Hann var handtekinn og vistaður í fangageymslu.
Þá var óskað eftir aðstoð lögreglu á skemmtistað í miðborginni vegna líkamsárásar. Mjög ölvaður gerandi handtekinn á vettvangi og vistaður í fangageymslu. Minniháttar áverkar á þolanda.
Fjórir ökumenn voru handteknir grunaðir um akstur undir áhrifum.
Ekið var á gangandi vegfaranda í miðbæ Reykjavík. Vegfarandinn hlaut minniháttar áverkar á höfði sem sjúkraflutningamenn sinntu á vettvangi. Ökumaðurinn er samkvæmt tilkynningu lögreglu grunaður um að hafa bakkað bifreiðinni hratt og ógætilega þannig að hætta skapaðist fyrir aðra.
Tilkynnt var um bifjólaslys á Bústaðavegi. Ökumaðurinn var fluttur með sjúkrabíl á Landspítala. Í tilkynningu lögreglu segir að hann sé líklega úlnliðsbrotin og bifhjólið mikið skemmt.
Athugasemdir