Karl Gauti um orkupakkann „Stjórnarliðum er fyrirmunað að útskýra málið“

„Stjórn­ar­liðum er fyr­ir­munað að útskýra málið og álita­efni þess með full­nægj­andi hætti – Það hefur þeim svo sann­ar­lega ekki tek­ist og virð­ast á stundum ekki hafa það fylli­lega á valdi sínu.“

Hann gagn­rýndi stjórn­ar­liða og stuðn­ings­fólk pakk­ans fyrir að kvarta yfir mál­þófi en hafa ekki tek­ist að ræða málið efn­is­lega. „Stjórn­ar­liðar hafa ekki getað útskýrt fyrir þing­mönnum né fyrir þjóð­inni hvað felst í þessum laga­lega fyr­ir­vara eða hvar hans er að leita, en hann virð­ist helst fel­ast í ein­hverjum skiln­ings­ríkum sam­tölum við menn úti í Evrópu eða reglu­gerð­ar­drögum hér uppi í ráðu­neyti Þeir hafa ekki heldur getað útskýrt fyrir þjóð­inni hverjar verða afleið­ingar þess ef þessir fyr­ir­varar stand­ast ekki.“

Karl Gauti sagði umræð­una um þriðja orku­pakk­ann snú­ast um annað en málið sjálft. „Í stað þess að upp­lýsa almenn­ing um margar og flóknar hliðar þessa máls, er umræð­unni stýrt þannig að hún fari helst fram að næt­ur­lagi og hæst­virtur Forseti og þeir sem fara með dag­skrár­valdið. slá nú bæði sín eigin met og ann­arra í lengd funda á Alþingi.“

Þá snerti hann á fjórða orku­pakk­anum í ræð­unni. „Rík­is­stjórnin fæst heldur ekki, – Í sam­hengi við þetta mál, að ræða fjórða orku­pakk­ann sem er full­smíð­aður upp á þús­und blað­síður Sá pakki hefur ekki verið kynntur þing­mönnum – Á meðan sá þriðji liggur hér fyrir til sam­þykktar. Til þess að geta rætt málið ofan í kjöl­inn og áhrif þess á yfir­ráð okkar yfir mik­il­væg­ustu orku­auð­lindum þjóð­ar­innar þurfa allar upp­lýs­ingar að liggja fyrir“