„Sonur okkar er frjáls vegna þess að hann er saklaus um aðild að morðinu á Gísla Þór Þórarinssyni,“ skrifar stjúpmóðir annars mannanna sem var í haldi lögreglu í tengslum við harmleikinn í Mehamn í Noregi, þar sem íslenskur karlmaður, Gísli Þór Þórarinsson, var skotinn til bana í lok apríl. Hann var látinn laus í byrjun maí.
Stjúpmóðir hans, Bryndís Baldursdóttir, skrifar þetta á Facebook.
„Hann var ekki á staðnum þegar það var framið og hann hringdi á hjálp um leið og hann vissi hvað hefði gerst. Hann er í losti og hefur verið beðinn um að tala ekki við fjölmiðla. Það munum við heldur ekki gera. Vinsamlega beinið hatri ykkar að þeim sem sekur er um þennan hræðilega glæp,“ skrifar hún einnig.
Hún bætir við: „Vinsamlega hringið í mig og spyrjið ef þið eigið erfitt með að skilja einhvern hluta af þessari yfirlýsingu. Í rauninni hefðuð þið getað hringt í mig hvenær sem er þessa síðustu daga og spurt.“
Færslu Bryndísar má sjá hér fyrir neðan:
Morðið í Mehamn
Gunnar Jóhann ákærður fyrir manndráp af ásetningi
Sjúkraflutningamenn biðu eftir lögreglu fyrir utan heimili Gísla á meðan honum blæddi út
Fréttaskýring: Það sem við vitum á þessari stundu um harmleikinn í Noregi
Gísli Þór lýsti erfiðum uppvaxtarárum í viðtali við Vikuna
Lýsti Gísla sem rólegum og ábyrgðarfullum
Athugasemdir