Fólk hvatt til að mæta í leðri

Þýskir kvik­mynda­dagar hefj­ast með pompi og prakt í dag. Þetta er í tíunda sinn sem hátíðin er haldin og segir dag­skrár­stjóri Bíó Para­dísar, Aron Víglunds­son, að úrval mynda hafi lík­leg­ast aldrei verið jafn­gott og í ár.

„Við munum sýna breiða flóru af þýskum bíóperlum, sögu­lega nas­ista­mynd, hroll­vekju, ást­ar­sögu, heim­ilda­mynd, bara nefndu það. Úrvalið er ótrú­lega fjöl­breytt svo að allir ættu að geta fundið eitt­hvað við sitt hæfi,“ segir Aron en Bíó Paradís stendur fyrir hátíð­inni í sam­starfi við Goethe Institut í Danmörku og þýska sendi­ráðið á Íslandi.

„Fyrir utan það að þetta skuli vera rjóm­inn í þýskri kvik­mynda­gerð þá verður þetta svo­lítið tón­list­ar­tengt hjá okkur í ár. Við nátt­úr­lega opnum hátíð­ina með Mack the Knife þar sem músík gegnir veiga­miklu hlut­verki og lokum henni með heim­ilda­mynd um plötu­snúða sem hafa verið öfl­ugir á þýsku raf­tón­listar-sen­unni. Á loka­kvöld­inu verður svo bíó­inu breytt í teknóklúbb, en þá verða ljós, tón­list og læti. Dj-gengið Plútó þeytir skífum og fólk er hvatt til að mæta í leðri,“ segir hann hress og bætir við að sjálfur ætli hann að setja upp leð­ur­ka­sk­eiti af því til­efni. „Þannig að það er við­búið að stemn­ingin verði svo­lítið sveitt.“

 Hápunktar hátíð­ar­innar

Spurður hvort það komi til með að verða ein­hverjir hápunktar í ár segir Aron að þeir séu nokkrir og þar beri helst að nefna sýn­ingar á mynd­unum The Captain (Der Haupt­mann), Mack the Knife og TRANSIT. „The Captain fjallar um mann sem er á flótta undan nas­istum í seinni heims­styrj­öld­inni og dul­býr sig sem nas­ista­for­ingja í þýska hernum til að kom­ast lífs af,“ lýsir hann. „Mack the Knife er svona „hvað-ef-mynd“, í þessu til­viki: hvað ef Bertolt Brecht hefði leik­stýrt mynd byggðri á leik­verki sínu og Kurts Weil, hinni umdeildu Túskild­ingsóp­eru. Og TRANSIT hlaut feiki­lega góðar við­tökur þegar hún keppti um gullið á kvik­mynda­há­tíð­inni í Berlín; hún er eina myndin á hátíð­inni sem verður sýnd áfram í Bíó Paradís eftir að Þýskum kvik­mynda­dögum lýkur. Mjög ólíkar myndir en allar áferð­ar­fal­legar, áhrifa­ríkar og hrika­lega flottar.“

Beðið með eftirvæntingu í ár

Eins og fyrr segir er þetta tíunda árið í röð sem Þýskir bíó­dagar fara fram, en að sögn Arons er hátíðin fyrir lif­andis löngu búin að festa sig í sessi sem einn af vin­sælli við­burðum í Bíó Paradís. „Já, hún er fyrir löngu orðin einn af aðsókn­ar­mestu sér­við­burðum í bíó­inu,“ segir hann glað­lega. „Sumir bíða meira að segja spenntir eftir henni í heilt ár. Sem er gaman því þetta er fyrsta hátíðin sem var haldin í bíó­inu eftir að það tók á sig núver­andi mynd. Öllum þessum árum seinna eru Þýskir kvik­mynda­dagar enn jafn­vin­sælir, vin­sælli ef eitt­hvað er, og það segir okkur kannski á hvaða stað hátíðin og sjálft Bíó Paradís eru í dag.“

Þýskir kvik­mynda­dagar standa yfir frá 1. til 10. febr­úar. Allar myndir verða sýndar á þýsku með enskum texta.