Miðflokkurinn fagnar á meðan borgaryfirvöld sitja eftir með höfuðverk

Góð vika – Mið­flokk­ur­inn
Baltasar Kormákur fékk lang­þráðan draum upp­fylltan í vik­unni þegar Netflix pant­aði Kötlu-þætti hans og með­limir Sigur Rósar önd­uðu án efa léttar eftir að skattsvika­máli sveit­ar­innar var vísað frá dómi. Vafa­laust hafa þó fáir fagnað jafn­mikið og Mið­flokk­ur­inn sem náði því tak­marki að verða næst­stærsti flokkur á þingi í skoða­könnun. Eins og kunn­ugt er hafa þing­menn flokks­ins orðið upp­vísir að ýmsu mis­jöfnu í gegnum tíð­ina; níði um minni­hluta­hópa, útlend­inga­andúð, stækri kven­fyr­ir­litn­ingu og fleiru en það hefur ekki komið að sök. Flokk­ur­inn fer úr 12% í 14,8%. Sem sýnir kannski að dólgs­háttur borgar sig?

Slæm vika – Reykja­vík­ur­borg
Það virð­ist ekki eiga af borg­ar­yf­ir­völdum að ganga. Í vik­unni kom í ljós að verk­taka­fyr­ir­tæki, í sam­starfi við Samtök iðn­að­ar­ins, hefur stefnt Reykja­vík­ur­borg vegna inn­viða­gjalda sem þeir telja ólög­mæt og nema fjár­hæð­irnar millj­örðum króna. Mörgum er enn í fersku minni þegar allt ætl­aði um koll að keyra vegna pálma­trés-máls­ins og þar áður vegna fram­úr­keyrslu borg­ar­innar í bragga­mál­inu, þar sem sví­virði­lega var bruðlað með almannafé. Minni­hlut­inn í Reykja­vík hefur hvað eftir annað bent á óráðsíu í stjórnun og fjár­málum borg­ar­innar og þetta nýjasta mál gæti orðið einn enn höf­uð­verk­ur­inn fyrir meiri­hlut­ann.