„Geri það sem ég þarf að gera á hverjum degi til að halda mínum sjúkdómi í skefjum“

„Ég var bara í rugli, ég er sem sagt óvirkur alka­hólisti,“ segir Árni Páll Árnason, eða Herra Hnetu­smjör eins og hann er oft­ast kall­aður, í sam­tali við Fannar Sveins­son í þætt­inum Framkoma.

Í þætt­inum spyr Fannar Árna út í edrú­mennsk­una en Árni fór í með­ferð árið 2016. „Ég geri það sem ég þarf að gera á hverjum degi til að halda mínum sjúk­dómi í skefjum,“ segir Árni.

Þess má geta að Árni Páll prýddi for­síðu Mannlífs í Ágúst 2018. Þar ræddi hann meðal ann­ars fíkn­ina.

„Ég var far­inn að missa tökin meira og meira og sum­arið 2016 missti ég þau end­an­lega. Þá var ég í max rugli og á öllu sem hægt er að hugsa sér. Ég týnd­ist bara í sós­unni. Sumarið 2016 var mjög dimmur tími. Ég er alkó­hólisti og sama hvað ég var með skýr mark­mið á öllum sviðum og vissi nákvæm­lega hvað ég vildi gera þá tók alkó­hólist­inn alltaf yfir. Það komst ekk­ert að því ég var alltaf að fá mér,“ sagði hann.

Sjá einnig: „Ég er ekki hér til að taka þátt. Ég er hér til að vinna“