Margrét Erla sýnir hvernig hún faldi meðgönguna:„Nú erum við að fara að sýna þannig að ég þarf að fela þig í klukkutíma“

Margrét Erla Maack, dans­drottn­ing, skemmti­kraftur og gleði­gjafi, á von á sinu fyrsta barni ásamt kærasta sínum Tómasi Stein­dórs­syni.

Von er á dóttur eftir þrjár vikur og hefur Margrét Erla unnið alla með­göng­una og seg­ist vera búin að eiga geggj­aða með­göngu.

„Það spilar auð­vitað ótrú­lega margt inn í, en mig langar sér­stak­lega að benda á hvað maga­dans­þjálfunin hefur haft mikið að segja. Bæði er ég sterk í grind­inni en líka hef lært að hlusta á mjó­bakið, veit hvað ég þarf að gera meira af og minna af til að láta mér líða vel. Ég gat snemma dreift álag­inu um miðju­svæðið og grind­ar­botn­inn hefur verið sem stál,“ skrifar Margrét Erla á Facebook-síðu sinni og deilir mynd­bandi þar sem hún er komin fimm mán­uði á leið.

Kallar hún dótt­ur­ina gælu­nafn­inu Tómasínu og seg­ist í upp­hafi hafa getað falið hana þegar hún þurfti að vinna „og var kannski ekki alveg til­búin að ræða með­göngu við ókunn­ugt fólk. Í þessu mynd­bandi var ég komin 5 mán­uði á leið og alveg orðin ágæt­lega ólétt.“

Margrét Erla kenndi dans í Kram­hús­inu út 35 viku með­göng­unnar. „Það var mjög gott að geta hent í „SKO ÉG ER KOMIN NÆSTUM ÁTTA MÁNUÐI Á LEIÐ HVER ER YKKAR AFSÖKUN?“ þegar fólk átti erfitt með að twerka í Beyoncé-gæsap­artý­unum. Ég kemst enn í splitt og aft­urá­bakkoll­hnís og á von á minni konu eftir 3 vikur,“ segir Margrét Erla og seg­ist ekki geta mælt nægj­an­lega með Magadans á með­göngu og fyrir mömmur sem kennt er í Kram­hús­inu.