Kastaði kókflösku og kaffibolla í bifreið þegar bílstjórinn tók fálega í ábendingar um aksturslag

Lög­reglan á höf­uð­borg­ar­svæð­inu hafði afskipti af yfir tutt­ugu öku­mönnum í gær­kvöldi og nótt. Fjórtán þeirra voru stöðv­aðir fyrir notkun á far­síma án þess að nota hand­frjálsan búnað. Fjórir eru grun­aðir um akstur undir áhrifum og þrír grun­aðir um akstur án rétt­inda. Þá voru tvær þess­ara bif­reiða ótryggðar og skrán­ing­ar­núm­erin klippt af.

Tjónþoli kaffi­bollakasts­ins hafði ekið á strætóakrein og tekið fram úr fimm bif­reiðum. Tjón­valdur furð­aði sig á þessu og haft afskipti af mann­inum sem brást illa við athuga­semd­unum og benti þeim sem athuga­semdir gerði á að hann væri ekki lög­reglan. Næst hrækti hann á bif­reið tjón­valds­ins. Því var þá svarað með því að kasta kók­flösku inn í bif­reið tjón­þola. Þegar kók­flösk­unni var svo skilað kastaði tjón­valdur kaffi­boll­anum í bif­reið­ina svo sá á henni.

Tilkynnt var um konu í ann­ar­legu ástandi að lemja í bif­reið til­kynn­anda. Skemmdir urðu á vél­ar­hlíf. Konan var hand­tekin síðar og vistuð sökum ástands í fanga­geymslu lög­reglu. Ofurölvi maður var hand­tek­inn á Vita­torgi og vistaður sökum ástands í fanga­geymslu lög­reglu. Maðurinn hafði engin skil­ríki, gat lítið tjáð sig.

Tilkynnt var um lít­inn vél­ar­vana bát í Skerja­firði í gær­kvöldi. Þrír menn voru í bátnum. Björg­un­ar­sveit Fiska­kletts í Hafn­ar­firði var við æfingar í Hafn­ar­firði og mætti á vett­vang. Sveitin aðstoð­aði við að koma bát og mönnum að landi. Menn­irnir sögð­ust hafa ætlað að vitja um krabbagildrur er mótor báts­ins bil­aði. Báturinn reynd­ist vera lít­ill gúmmí­bátur sem ber varla meira en tvo menn. Þá voru aðeins tveir þeirra í björg­un­ar­vestum.