Dekur fyrir hugann

Það er gott að dekra við sig öðru hverju, fara í nudd, fót­snyrt­ingu eða and­lits­bað svo eitt­hvað sé nefnt, til að láta spennu og streitu líða úr sér. Við megum þó ekki gleyma að dekra líka við hug­ann því hann verður engu síður fyrir áhrifum af streitu og amstri hvers­dags­ins.

Slakandi svefn

Svefn er okkur öllum lífs­nauð­syn­legur því á meðan við sofum er lík­ami okkar í við­gerð­ar­fasa, end­ur­nýjun verður í ýmsum vefjum og hugur okkar hvílist.  Í full­komnum heimi fengjum við átta tíma end­ur­nær­andi svefn á hverri nóttu en það er ekki sá heimur sem við lifum í. Við förum eldsnemma á fætur og tímum svo ekki að fara snemma að sofa á kvöldin. Svo getum við ekki alltaf sofnað þegar á kodd­ann er komið, heldur liggjum og hringsnú­umst um í kvíða. Þá getur lavender-ilm­kjarna­olía hjálpað en hún er oft notuð til þess að ná fram jafn­vægi og slökun. Sniðugt að setja nokkra dropa af ilm­kjarna­ol­í­unni í sprey­brúsa með vatni og spreyja á kodd­ann áður en farið er upp í.

Bragðgóð lausn

Þegar streitan er að drepa mann er oft freist­andi að grípa í sæt­indi til að auka vellíðan, en þau áhrif eru þó aðeins skamm­vinn. Sykur veldur háum toppum í blóð­sykri og í kjöl­farið af þeim kemur blóð­syk­ur­fall en því fylgir yfir­leitt orku- og ein­beit­ing­ar­leysi. Næst þegar þig langar í eitt­hvað bragð­gott til að lífga upp á dag­inn ætt­irðu frekar að fá þér gott dökkt súkkulaði því það inni­heldur minni sykur og veldur því ekki jafn­mik­illi aukn­ingu blóð­syk­urs. Það inni­heldur einnig hell­ing af andox­un­ar­efnum og er sagt geta dregið úr stress­horm­ón­inu kortisóli.

Fljótandi slökun

Það er fátt eins spennu- og streitu­los­andi og að fara í gott bað. Það er í raun á við að fá nudd því það slakar á vöðva­spennu og minnkar bólgur og verki. Það gerir því öllum gott, bæði íþrótta­fólki og kyrr­setu­fólki. Mögulega líður okkur svona vel í vatni vegna þess að það lík­ist því umhverfi sem við kynn­umst fyrst í móð­ur­kviði. Eftir erf­iðan dag ætt­irðu að láta renna í heitt bað, setja bað­olíu eða –sölt í það, kveikja á kertum og slak­andi tón­list, leggj­ast aftur, loka aug­unum og finna hvernig að það líður úr þér.

Róandi drykkur

Það er alltaf nota­legt að setj­ast niður í amstri dags­ins og fá sér heitan drykk, til dæmis te. Rann­sóknir hafa sýnt að kamilla inni­heldur efni sem bind­ast við sömu mót­tak­ara í heil­anum og ýmis róandi lyf. Kamillute hefur þess vegna væg róandi áhrif  og getur gert þér kleift að slaka á og vinda ofan af streitu. Þeir sem eru ekki mikið fyrir tedrykkju geta prófað að taka kamillu inn sem fæðu­bót­ar­efni í stað­inn.

Ljúfur lestur

Ein besta leiðin til að slaka á er að sleppa inn í annan heim þótt það sé ekki nema í augna­blik. Með til­komu nútíma­tækni þá grípum við oftar í tölvu­leiki, sjón­varps­þætti eða þvíum­líkt og gefum okkur sjaldan tíma til þess að setj­ast niður og lesa góða bók. Rannsókn Sussex-háskóla sýndi þó fram á að lestur gæti dregið úr streitu um allt að sex­tíu og átta pró­sent, en miðað var við spennu í vöðvum og hjart­slátt.

Góð bók getur gert krafta­verk.

Þeir sem að rann­sókn­inni komu töldu ástæð­una fyrir því að lestur virt­ist vera mun árang­urs­rík­ari en aðrar slök­un­ar­að­ferðir, svo sem að hlusta á tón­list eða fara út í göngutúr, vera þá að hann krefst fullrar athygli hug­ans og þannig gleymum við öllu öðru og slökum á.

Við eldavélina

Úti­vinn­andi ein­stak­lingar geta stundum ekki hugsað sér neitt verra en að þurfa að elda kvöld­mat­inn eftir langan vinnu­dag og grípa þá oftar en ekki til skyndi­bita.  Matseld getur hins vegar verið mjög róandi og tæki­færi til að vinna úr streitu dags­ins. Því þegar við skerum niður, söxum og hrærum í pottum gerum við það oft­ast í ákveðnum takti og við fylgjum ákveð­inni rútínu. Á meðan getur maður hreinsað hug­ann og unnið úr málum, þannig að þetta verður eins og nokk­urs konar hug­leiðsla. Það gefur manni líka svo mikla ánægju að borða hollan og góðan mat sem eld­aður hefur verið frá grunni.

Umsjón / Hildur Frið­riks­dóttir