Mikilvægt að fara varlega af stað eftir langt hlé

Einka­þjálf­ar­inn Björn Þór Sig­ur­björns­son segir margt fólk bíða í ofvæni eftir að kom­ast aftur inn í lík­ams­rækt­ar­stöðvar sem verða opn­aðar á mánu­dag­inn. Hann mælir með að fólk láti skyn­sem­ina ráða för.

Margt fólk mun taka gleði sína á ný á mánu­dag­inn þegar lík­ams­rækt­ar­stöðvar lands­ins verða opn­aðar aftur en þeim var lokað fyrir tveimur mán­uðum af sótt­varnar­á­stæðum. Einka­þjálf­ar­inn Björn Þór Sig­ur­björns­son minnir fólk á að fara rólega af stað í rækt­inni hafi það tekið sér pásu frá hreyf­ingu í sam­komu­bann­inu.

„Fyrsta skrefið er bara að mæta og byrja rólega þar sem frá var horfið. Ég mæli með að gera t.d. færri end­ur­tekn­ingar og nota létt­ari lóð,“ segir Björn. Hann segir mik­il­vægt að hlusta á lík­amann og fara ekki of geyst af stað, ann­ars sé hætta á meiðslum.

Beðið með eftirvæntingu

Björn segir margt fólk bíða með eft­ir­vænt­ingu eftir að kom­ast aftur í rækt­ina. „Eft­ir­vænt­ingin er mikil, sér­stak­lega hjá rækt­ar­lið­inu. Ég er engin und­an­tekn­ing þar,“ segir Björn. „Þess vegna vil ég vara fólk við að vera óþol­in­mótt og fara of geyst af stað. Auðvitað eru margir búnir að vera að hreyfa sig utandyra í sam­komu­bann­inu eða inn­an­húss með æfinga­teygjum og eigin lík­ams­þyngd, í alls konar aðstæðum sem það myndi vana­lega ekki kjósa að æfa í og ég tek hatt minn ofan fyrir því fólki. Svo eru margir sem hafa ekk­ert náð að hreyfa sig síðan lík­ams­rækt­ar­stöðvum var lokað. Það er fólkið sem þarf sér­stak­lega að fara var­lega af stað aftur,“ útskýrir Björn.

Hann segir vöðva­styrk­inn detta hratt niður þegar fólk tekur hlé frá æfingum en sé að sama skapi fljótur að koma til baka. „Það er bara mik­il­vægt að ofkeyra sig ekki. Það er þannig sem fólk meiðir sig. Ef átökin verða of mikil getur vöðva­nið­ur­brot sömu­leiðis orðið of mikið og það getur haft alvar­legar afleið­ingar í för með sér.“

„Allt eða ekkert“ viðhorfið stendur í vegi fyrir mörgum

Beðinn um góð ráð þá segir Björn að best sé að setja saman æfinga­á­ætlun áður en farið sé af stað í rækt­inni aftur. Þá sé nauð­syn­legt að láta skyn­sem­ina ráða ferð­inni. Svo er gott að setja sér ein­hver mark­mið sem hægt er að fók­usa á.

Hann segir „allt eða ekk­ert“ við­horfið ekki vera væn­legt til vinn­ings. „Ef við setjum okkur of háleit mark­mið þá verður far­veg­ur­inn stuttur og við gef­umst upp. Þetta á bæði við um matar­æði og æfingar. Það er alltaf skyn­sam­legra að gera litlar lífs­stíls­breyt­ingar í stað þess að fara í eitt­hvað stór­kost­legt átak.“

Óraun­hæft heilsu­á­tak er ávísun á að fólk gef­ist upp að sögn Björns. „Ef fólk ætlar t.d. að taka mjög langar æfingar á hverjum degi eða breyta algjör­lega um matar­æði á einu bretti, ef það fer fram úr sér með ein­hverjum hætti, þá er lík­legt að fólk gef­ist alveg upp. Þess vegna er mik­il­vægt að útbúa raun­hæft plan og reyna að fylgja því eftir bestu getu. Ef maður missir svo af æfingu þá þýðir ekki að fara í sjálfs­á­sökun, frekar að horfa fram á veg­inn og stefna að því að halda sig við áætlun sína.“

Hann bætir við: „Nú er bara að láta skyn­sem­ina ráða för og halda í gleð­ina. Þannig nær maður mark­miðum sínum.“

Spurður út í hvernig hann sjái fyrstu dag­ana fyrir sér eftir að lík­ams­rækt­ar­stöðvar opna aftur eftir langt hlé á Björn erfitt með að spá fyrir um það. „Þetta verður bara að ráð­ast en ég skynja að fólk er spennt að snúa til baka í rækt­ina. Það verður for­vitni­legt að sjá hvernig fer.“ Hann minnir á að áfram sér mik­il­vægt að gæta að smit­vörnum. „Nú er nauð­syn­legt að halda áfram að þvo sér reglu­lega um hend­urnar og nota hand­spritt.“