Andri Björn um uppnámið í Óperunni: „Gengur ekki að reyna að sleppa frá sanngjörnum launagreiðslum“

Eins og kunn­ugt er hefur Félag íslenskra hljóm­list­ar­manna, FÍH, fyrir hönd Þóru Ein­ars­dóttur óperu­söng­konu stefnt Íslensku óper­unni vegna van­gold­inna launa Þóru við upp­færslu óper­unnar Brúðkaup Fígarós síð­ast­liðið haust. Söngv­ar­inn Andri Björn Róberts­son er einn þeirra sem stendur fast við bakið á Þóru í bar­átt­unni.

Málið hófst í haust þegar átta ein­söngv­arar í Brúð­kaupi Fígarós tóku sig saman og leit­uðu til síns stétt­ar­fé­lags, FÍH, um leið­rétt­ingu launa sinna við sýn­ing­una. Einn ein­söngv­ar­anna í sýn­ing­unni á Brúð­kaupi Fígarós var Andri Björn Róberts­son og var þetta fyrsta hlut­verk hans hjá Íslensku óper­unni en hann hefur sungið við óperu­hús víða um Evrópu og segir mun­inn á launa­kjörum vera slá­andi.

„Fyrir að syngja lítil hlut­verk í óperu­húsum í Bret­landi og ann­ars staðar í Evrópu er ég að fá svona helm­ingi hærri laun en ég fékk í sýn­ing­unni á Brúð­kaupi Fígarós hjá Íslensku óper­unni þar sem ég var að syngja aðal­hlut­verk,“ segir hann.

„For­svars­menn Íslensku óper­unnar tala um það að þeir vilji vera sam­an­burð­ar­hæfir á alþjóð­legum vett­vangi og þá þarf auð­vitað að skoða launa­málin. Ég geri mér grein fyrir því að mark­að­ur­inn er lít­ill á Íslandi og erfitt að halda menn­ing­ar­stofn­unum gang­andi, en laun söngv­ar­anna verða að vera sam­keppn­is­hæf, og þótt íslenskir söngv­arar séu kannski til­búnir til að gefa smá­vegis afslátt til að halda íslenskri list­sköpun gang­andi og í háum gæða­flokki þá gengur það auð­vitað ekki til fram­búðar að reyna að sleppa frá sann­gjörnum launa­greiðslum.“

Andri Björn segir leið­in­legt að mál hafi þró­ast á þennan hátt, en þetta sé slagur sem þurfi að taka.
„Þetta var leið­in­legur endir á þessu sam­starfi því sýn­ingin var frá­bær og gekk vel,“ segir Andri Björn. „En þetta er bara eðli­leg kjara­bátta íslenskra söngv­ara sem hafa dreg­ist langt aftur úr í launum miðað við svip­aðar stéttir. Það er nauð­syn­legt að tryggja að farið sé eftir þeim samn­ingum sem eru í gildi.“

Mannlíf hafði sam­band við Stein­unni Birnu Ragn­ars­dóttur, óperu­stjóra Íslensku óper­unnar, til að fá hennar hlið á mál­inu en hún kaus að tjá sig ekki um það að svo stöddu. „Ég kýs að tjá mig ekki um þennan ágrein­ing að svo stöddu. Fyrst ákveðið er að fara þessa leið þá finnst mér rétt að málið sé útkljáð á þeim vett­vangi,“ segir hún.

Sjá einnig: Stór­söng­kona stefnir Óperunni