Fljótlegar kotasælubollur – Uppskrift sem hægt er að leika sér með

Þjálf­ar­inn Sigrún María Hákon­ar­dóttir deilir hér upp­skrift að fljót­legum bollum sem hún segir ofurein­falt að gera.

„Þessi upp­skrift er svo ein­föld en til þess að hún verði sér­stak­lega góð er gott að eiga bland­ara eins og Nutri­bul­let eða mat­vinnslu­vél. Upp­skrift sem er æðis­legar í brunchinn og sem milli­mál. Börnin elska líka þessar bollur og er hægt að leika sér með upp­skrift­ina og gera hana að sinni með því að bæta við allt að 1/2 dl af fræjum eða hnetum sem þér finnst vera góðar,“ segir Sigrún.

Kotasælubollur

4 egg eða 240 gr eggja­hvítur úr flösku
500 gr kota­sæla (stór dós)
400 gr hafrar (hakk­aðir þannig þeir verða að mjöli eða mjög fínir hafrar)
2 tsk lyfti­duft
1 tsk sjáv­ar­salt
auka: allt að 1/2 dl af fræjum eða hnetum, t.d. chia fræjum, sesam­fræjum, fræ­blöndu, brotnum kasjú­hnetum, saxaðar möndlur, rús­ínum

Aðferð

Hitaðu ofn­inn á 200 gráður blástur. Í Nutri­bul­let, mat­vinnslu­vél eða sam­bæri­legum bland­ara bland­aðu saman egg eða eggja­hvítur og kota­sælu, settu í skál.

Í Nutri­bul­let, mat­vinnslu­vél (eða sam­bæri­legum bland­ara) bland­aðu saman hafrana þannig þeir verði að mjöli, settu í skál (án þess að blanda saman). Bættu við lyfti­dufti og salt (fræin/hnet­urnar líka ef þú vilt prófa upp­skrif­ina svo­leiðis).

Blandaðu þurr­efn­unum lít­il­lega saman með sleikju og hrærðu síðan öllu saman þannig þetta verði að deigi. Deigið er frekar blautt og gæti verið gott að vera í hönskum eða strá smá hveiti á hend­urnar.

Mótaðar 9-11 bollur og bak­aðu á 200 gráðu blæstri í 18-22 mín.

„Ef þú gerir 11 bollur er hver bolla í kringum 201 kcal, 13 gr prótein, 23gr kol­vetni, 6,3 gr fita, 3,6 gr trefjar. Og ef þær klár­ast ekki strax er hægt að geyma þær í kæli eða frysti. Ef þær eru geymdar í frysti er gott að vera búin að skera þær í tvennt svo þú getir auð­veld­lega ristað þær þegar þú færð þér næst. Góða með smjör og osti, jafn­vel agúrku eða sultu ofan á líka. Ég mæli með að prófa.“