Segir sveitafélögin „skilin eftir á köldum klaka“

Logi Ein­ars­son, for­maður Sam­fylk­ingar, segir sveit­ar­fé­lögin hafa gleymst í aðgerð­ar­pakka rík­is­stjórn­ar­innar.

Samtök sveit­ar­fé­laga á höf­uð­borg­ar­svæð­inu vilja fram­lag upp á um 50 millj­arða úr rík­is­sjóði til sveit­ar­fé­laga á land­inu til að tryggja að þau geti haldið uppi þjón­ustu- og fram­kvæmda­stigi án þess að þurfa að hella sér í skuldir.

Þetta kemur í minn­is­blaði sem Samtök sveit­ar­fé­laga á höf­uð­borg­ar­svæð­inu hafa sent
fjár­mála- og efna­hags­ráð­herra. Morg­un­blaðið fjallar um inni­hald minn­is­blaðs­ins sem borg­ar­stjór­inn í Reykja­vík og bæj­ar­stjórar í Kópavogi, Hafn­ar­firði, Garðabæ, Mos­fellsbæ og á Sel­tjarn­ar­nesi, auk odd­vita Kjós­ar­hrepps skrifa undir.

Morg­un­blaðið hefur eftir Gunnari Ein­ars­syni, bæj­ar­stjóra Garða­bæjar, að COVID-19 far­ald­ur­inn muni hafa mikil áhrif á fjár­haf sveit­ar­fé­laga. Hann segir tekjur drag­ast saman á meðan kostn­aður eykst.

Þarf stórt skref til að aðstoða sveitarfélögin

Logi Ein­ars­son, for­maður Sam­fylk­ingar, segir sveit­ar­fé­lögin vera skilin eftir á „köldum klaka“ í Facebook-færslu sinni þar sem hann tjáir sig um aðgerða­pakka vegna efna­hags­á­hrifa kór­óna­veirunnar sem rík­is­stjórnin kynnti síð­degis í gær.

„Í stuttu máli er verið að stíga ýmis nauð­syn­leg skref til að verja fyr­ir­tæki gegn tekju­falli.
En það eru að sama skapi ekki stigin nein mark­tæk skref til að verja heim­ilin gegn tekju­falli. Þá eru sveit­ar­fé­lögin að mestu leiti skilin eftir á köldum klaka,“ skrifar Logi um aðgerð­irnar sem rík­is­stjórnin kynnti í gær.

Hann segir rík­is­stjórn­ina ekki mega gleyma fólk­inu í land­inu.

„Til að vera sann­gjarn þá verð ég að segja að Það er mjög margt þarna ágætt og nauð­syn­legt,“ segir Logi spurður út í aðgerða­pakk­ann í sam­tali við Morg­un­út­varp Rásar 1 og 2.

Hann segir jákvætt að verið sé að hugsa um fyr­ir­tækin í land­inu en segir von­brigðin vera þau að það hafi gleymst að hugsa um heim­ilin og fólkið í land­inu. „Það er ekki verið að verja tekjur þeirra.“

Hann bætir við að sveit­ar­fé­lögin, ein­ing­arnar sem sinna þjón­ustu við fólkið í land­inu, hafi einnig gleymst. Hann segir sveit­ar­fé­lögin vera „í myrkr­inu“ og það þurfi að stíga stór skref til að aðstoða þau.

Logi bendir á að kostn­aður sveit­ar­fé­lag­anna hækki mikið en fái á saman tíma á sig kröfu til að lækka öll gjöld. Hann segir það geta reynst dýr­keypt að spara þegar kemur að rekstri sveit­ar­fé­laga og að sá sparn­að­ur­inn gæti bitnað á leik­skóla­starfi og annarri grunn­þjón­ustu.

„Ég vona að rík­is­stjórnin sé við útvarpið að hlusta,“  sagði Logi og hvatti rík­is­stjórn­ina til að auka þjón­ustu við sveit­ar­fé­lögin.