Buðu yfirvöldum afnot af hótelinu endurgjaldslaust

Sjúkra­trygg­ingar Íslands hafa gert sam­komu­lag við Icelandair Hótels um að nýta aðstöðu á Hótel Reykja­vík Natura sem gisti­rými fyrir skil­greinda lyk­il­starfs­menn heil­brigð­is­kerf­is­ins og almanna­varna í þeim til­vikum sem þeir geta ekki dvalið heima hjá sér af hættu við smit af COVID-19. Þetta kemur fram á vef Sjúkra­trygg­inga Íslands.

Þar segir að hug­myndin sé að koma til móts við þá starfs­menn heil­brigð­is­kerf­is­ins og almanna­varna sem „gegna sér­stakri ábyrgð sam­kvæmt neyð­ar­á­ætlun heil­brigð­is­kerf­is­ins“ eða „búa yfir sér­stakri þekk­ingu eða færni sem er nauð­syn­leg við fram­kvæmd neyð­ar­á­ætl­un­ar­innar“.

Heil­brigð­is­yf­ir­völd fólu Sjúkra­trygg­ingum Íslands að finna úrræði til að mæta þörfum þessa hóps. Á vef Sjúkra­trygg­inga segir að í kjöl­far verð­fyr­ir­spurnar til hót­ela var yfir­völdum boðið að nota Hótel Reykja­vík Natura end­ur­gjalds­laust.

„Yfirvöld eru þakk­lát þessu ein­staka fram­taki Icelandair Hótels og vilja jafn­framt koma á fram­færi sér­stöku þakk­læti til þeirra hót­ela sem leitað var til, fyrir skjót og höfð­ing­leg til­boð, sem sýna enn og aftur þann kraft og sam­taka­mátt sem býr í íslensku sam­fé­lagi þegar hætta steðjar að,“ segir á vef Sjúkra­trygg­inga Íslands.