Andlitsgrímur, sótthreinsiefni og hanskar í vélum Icelandair

Flug­fé­lagið Icelandair hefur gripið til var­úð­ar­ráð­staf­ana vegna kór­óna­veirunnar sem gjarnan er kennd við kín­versku borg­ina Wuhan.

Flug­vélagið hefur sett auka­búnað í vélar sínar, m.a. and­lits­grímur, hanska og sótt­hreinsi­efni. Þetta kemur fram í frétt á vef Vísis. Þar segir að Icelandair sé í reglu­legum sam­skiptum við sótt­varna­lækni vegna veirunnar.

Handþvottur mikilvægasta ráðið

Í grein á vef land­læknis er að finna upp­lýs­ingar um hvað sé hægt að gera til að forð­ast smit. Þar segir að góð hand­hreinsun sé mik­il­væg­asta ráðið fyrir heil­brigða til að forð­ast smit.

„Hand­þvottur með vatni og sápu er æski­leg­astur ef hendur eru óhreinar, en hendur sem virð­ast hreinar en hafa komið við sam­eig­in­lega snertifleti s.s. hurða­húna, eða tekið við hlutum úr ann­arra höndum s.s. pen­ingum eða greiðslu­kortum má hreinsa með hand­spritti,“ segir í grein­inni.

Þar segir einnig að grímur nýt­ist best þegar þeir sem eru veikir nota þær.

Hanskar geta einnig komið sér vel. „Við þrif eftir aðra, s.s. í veit­inga­sölum eða á almenn­ings­sal­ernum getur verið gagn­legt að nota hanska en mik­il­vægt er að taka af sér hanska þegar slíkum verkum er lokið og hreinsa vel hendur.“