Neysla ungmenna á orkudrykkjum tvöfaldast á tveimur árum – Vill ekki sjá orkudrykki á afslætti

Embætti land­læknis og Tann­lækna­fé­lag Íslands munu standa fyrir tann­vernd­ar­viku 3.-7. febr­úar. Sérstök áhersla verður lögð á skað­semi orku­drykkja á tann­vernd­ar­vik­unni.

Hólm­fríður Guð­munds­dóttir, tann­læknir, birtir færslu á vef land­læknis. Þar kemur fram að gler­ungseyð­ing er vax­andi vanda­mál hjá börnum og ung­mennum á Íslandi og að neysla orku­drykkja sé hluti vand­ans.

„En neysla ung­menna á orku­drykkjum með koff­íni hefur meira en tvö­fald­ast á síð­ustu tveimur árum. Mikil og tíð neysla sætra og syk­ur­lausra orku­drykkja getur leyst upp ysta lag gler­ungs­ins sem þynn­ist og eyð­ist og mynd­ast ekki aftur,“ segir í færslu Hólm­fríðar.

Búðareigendur taki ábyrgð

Hólm­fríður og kollegar hennar hafa áhyggjur neyslu orku­drykkja meðal ung­menna. Skipu­leggj­endur tann­vernd­ar­vik­unnar hvetja þá í stjórn­endur grunn- og fram­halds­skólum lands­ins til að fræða nem­endur um hvaða afleyð­ingar orku­drykkja­neysla getur haft á tann­heils­una.

Hólfríður vill þá einnig sjá versl­un­ar­eig­endur taka ábyrgð og hætta að bjóða orku­drykki á afslætti. „Einnig er óskað eftir því að ekki verið hvatt til neyslu orku­drykkja með afslátt­ar­kjörum eða á annan hátt í versl­unum í ljósi áhrifa þeirra á heilsu­far ungs fólk og ann­arra sem ekki ættu að neyta orku­drykkja.“

Pistil Hólm­fríðar má lesa í heild sinni á vef land­læknis.