Ólína skaut tappa úr flösku á meðan Mountaineers of Iceland fékk skammir

Góð vika – Ólína Kjerúlf Þor­varð­ar­dóttir
Félagar Slysa­varna­fé­lags­ins Lands­bjargar hafa ærna ástæðu til að fagna enda standa þeir uppi sem sig­ur­veg­arar í vali les­enda Mannlífs á mann­eskju árs­ins, eins og fjallað er um ann­ars staðar í blað­inu, og raunar bara allir sem komust á blað í þeirri kosn­ingu. Hildur Guðna­dóttir gerði líka gott mót þegar hún hlaut Golden Globe-verð­launin fyrir tón­list­ina í Joker og var til­nefnd til Bafta-verð­launa. Spá sumir því að Hildur fái jafn­vel Óskarinn en ef svo fer þá yrði hún fyrsti Íslend­ing­ur­inn til að hljóta þau verð­laun. Skör­ung­ur­inn Ólína Kjerúlf Þor­varð­ar­dóttir hafði sömu­leiðis ástæðu til að skjóta tappa úr flösku því rík­is­lög­maður komst að sam­komu­lagi við hana um greiðslu bóta fyrst gengið var fram hjá henni við ráðn­ingu í stöðu þjóð­garðsvarðar á Þing­völlum. Nemur fjár­hæðin 20 millj­ónum en Ólína hefur reyndar upp­lýst að eftir skatta sé upp­hæðin 13 millj­ónir, sem mið­ist við eins og hálfs árs laun þjóð­garðsvarðar. Sjálf segir Ólína að svona hefði þó ekki þurft að fara hefði Þing­valla­nefnd vandað verk sín betur og svo geng­ist við ábyrgð sinni þegar fyrir lá að hún braut lög.

Slæm vika – Mountaineers of Iceland
Hart er barist um að kom­ast í þetta dálka­pláss. Heil­brigð­is­ráð­herra, Svandís Svav­ars­dóttir, hefur verið í eld­lín­unni vegna neyð­ar­á­stands­ins á bráða­mót­töku Land­spít­al­ans og græn­kerar sækja nú hart að Sævari Helga Braga­syni og Andra Snæ Magna­syni fyrir að tala ekki nógu mikið um kjöt­lausan lífs­stíl í umræð­unni um lofts­lags­mál. Fáir hafa þó fengið jafnslæma útreið og Mountaineers of Iceland sem sendu stóran hóp ferða­manna í ofsa­veðri upp á hálendi og drógu að leita aðstoðar björg­un­ar­sveita. Þegar blaða­maður Frétta­blaðs­ins leit­aði svara hjá starfs­manni vegna máls­ins var honum sagt að „grjót­halda kjafti.“ Yfir­lýs­ing fyr­ir­tæk­is­ins þess efnis að starfs­fólkið harmi atburð­inn og biðj­ist vel­virð­ingar og ætli að rann­saka atvikið, sem virð­ist vera í tísku um þessar mundir hjá þeim sem verða upp­vísir að ein­hverju mis­jöfnu, virkar eins og aumt yfir­klór. Er þetta heldur ekki í fyrsta sem Mountaineers of Iceland kom­ast í hann krapp­ann. Skemmst er að minn­ast þess þegar hjón, sem týnd­ust í sleða­ferð með fyr­ir­tæk­inu, stefndu rekstr­ar­að­ila félags­ins og fengu greiddar bætur.