Gott og gagnlegt í eldhúsinu

Hrís­grjóna-trix
Nú til dags er gróft salt mun algeng­ara í mat­ar­gerð en fínt. Margir nota samt sem áður fín­gert borð­salt sem oft er geymt í fal­legum staukum í marga mán­uði enda ekki mikið magn sem þarf til að bragð­bæta mat­inn. Saltið í þessum staukum á það til að verða hart og kögglar geta stundum mynd­ast. Gott hús­ráð til að koma í veg fyrir þetta er að setja nokkur hrís­grjón ofan í stauk­inn með salt­inu, hrís­grjónin draga í sig rak­ann og koma í veg fyrir að kögglar nái að mynd­ast.

Vissir þú …
… að auð­veld­lega er hægt að hreinsa öll óhrein­indin úr blað­lauk með því að skera hann niður og setja í skál sem fyllt hefur verið með köldu vatni og láta standa í u.þ.b. 15 mín­útur. Blað­laukur, eða púrru­laukur eins og hann er oft nefndur, flýtur nefni­lega í vatni þannig að óhrein­indi eins og sandur sökkva á botn­inn. Fyrir þá sem vilja vera vissir um að ekk­ert „líf“ sé í lauknum má setja 1 tsk. af salti út í vatnið, salt drepur skor­dýr.

Og vissir þú …
… að ef hvít­laukur er kram­inn með hníf verður mun auð­veld­ara að taka hýðið af honum og einnig er auð­veld­ara að skera hann.

Svona er hent­ugt að skera lárperu
1. Byrjaðu á að skera hana til helm­inga, settu hníf­inn í stein­inn og snúðu úr.

2. Skerðu svo var­lega ofan í lárper­una litlar sneiðar eins og á mynd.

3. Taktu því næst skeið og stingdu undir með­fram hýð­inu þannig að þú náir öllu ald­in­kjöt­inu upp úr, þannig ætt­irðu að fá full­komnar sneiðar.
Þessi aðferð er afar hrein­leg og fljót­leg að því gefnu að lárperan sé vel þroskuð.