Kórónusmitum fjölgar skyndilega aftur í Kína

Kínversk yfir­völd hafa lokað ell­efu íbúa­hverfum í höf­uð­borg­inni Beijing vegna nýrra COVID-19 smita sem komu upp og eru rakin til kjöt­mark­aðar í borg­inni. Fimm manns, þrír starfs­menn á mark­aðnum, tveir kúnnar og starfs­menn kjöt­rann­sókn­ar­stofn­unar, sem unnu að því að taka hann út, greindust með veiruna og í kjöl­farið tugir manns. Fólkið er nú undir eft­ir­liti lækna.

Þetta eru fyrstu smitin í Peking sem hafa verið til­kynnt þar um tveggja mán­aða skeið. Grunur leikur að þau hafi blossað upp vegna óþrifn­aðar á umræddum mark­aði.

Eins og fyrr segir hefur ell­efum hverfum í Peking verið lokað eftir að smitin greindust. Leik­skólum og skólum hefur verið lokað og íbúum skipað að halda sig inn­an­dyra. Til að stendur að skima stóran hóp fólks, um 10 þús­und manns, vegna nýju til­fell­anna og grípa til frek­ari aðgerða þar sem kín­versk stjórn­völd ótt­ast aðra smit­bylgju, en eins og kunn­ugt er greind­ist kór­óna­veiran fyrst í Kína og breidd­ist þaðan út.