Sema Erla kaus sér forseta í fyrsta sinn í dag: Þetta er ástæðan

Sema Erla Serdar stjórn­mála- og Evr­ópu­fræð­ingur og bar­áttu­kona fyrir mann­rétt­indum greinir frá því í færslu á Facebook að hún hafi kosið sér for­seta í fyrsta sinn á ævinni í dag.

„Með því á ég ekki við að ég hafi verið að mæta á kjör­stað eða greiða atkvæði í for­seta­kosn­ingum í fyrsta sinn,“ segir Sema Erla, sem er 33 ára. Segist hún ávallt hafa skilað auðu og ávallt verið þeirrar skoð­unar að leggja eigi for­seta­emb­ættið niður

„Þar til í dag. Í dag greiddi ég atkvæði með sitj­andi for­seta lýð­veld­is­ins Íslands,“ segir Sema Erla.

„Það er ekki vegna þess að skoðun mín á emb­ætt­inu hafi breyst. Það er vegna þess að ég ætla ekki að hafa það á sam­visk­unni að hafa greitt leið ein­stak­lings sem hefur sýnt af sér í orði og verki for­dóma, kven­fyr­ir­litn­ingu, þjóð­ern­is­hyggju og múslima­andúð að emb­ætti for­seta Íslands.“

Sema Erla segir að það megi sjá til að mynda á því að flokkur Guð­mundar Frank­líns Jóns­sonar for­seta­fram­bjóð­anda, Hægri grænir, sam­ein­að­ist Íslensku þjóð­fylk­ing­unni (flokkur þjóð­ern­is­sinna, nas­ista, ras­ista og útlend­inga­hat­ara), aðdáun hans á Trump, ummælum hans um konur og múslima og hans helstu stuðn­ings­mönnum, sem spúa öfgum og hatri í garð minni­hluta­hópa við hvert tæki­færi.

„Ég kaus mér for­seta því það fylgir því ábyrgð að hafa þann rétt að geta kosið í lýð­ræð­is­legum kosn­ingum – rétt sem er ekki til staðar alls staðar eða fyrir alla – rétt sem auð­veld­lega er hægt að taka af okkur,“ segir Sema Erla.

Hún bendir einnig á að mik­il­vægt sé að mæta á kjör­stað og greiða atkvæði með þeim fram­bjóð­anda sem fólk velur, skoð­ana­kann­anir valdi því að kjós­endur telji nið­ur­stöð­una ljósa.

„Ég kaus mér for­seta vegna þess að þegar einn fram­bjóð­andi hefur yfir­burði í skoð­ana­könn­unum rétt fyrir kosn­ingar er lík­legt að stuðn­ings­fólk hans muni ekki mæta á kjör­stað. Hinir munu þó allir gera það og þá er hætta á að kosn­ing­arnar fari öðru­vísi en kann­anir bentu til.“

Sema Erla ítreka síðan orð sín um sam­visku sína og spyr hvað aðrir kjós­endur ætla að gera:

„Ég ætla ekki að hafa Guðmund Franklín á sam­visk­unni. Ég fór og kaus því ég ætla ekki að bera ábyrgð á því að popúlisti sem vill sundra sam­fé­lag­inu okkar, sem við erum alla daga að reyna að sam­eina, verði for­seti Íslands. En þú?“