Ómar R. Valdimarsson lögmaður skefur ekki af skoðunum sínum. Í færslu á Facebook segir hann Ragnar Þór Ingólfsson formann VR fara yfir valdsvið það sem honum og lífeyrissjóðum er heimilt lögum samkvæmt.
„Þessi Ragnar Þór er svo húrrandi ga-ga að það hálfa væri nóg. Lífeyrissjóðum er beinlínis óheimilt að aðhafast nokkuð annað en að sinna þeirri starfsemi sem lýst er í lögum nr. 129/1997 um skyldutryggingu lífeyrisréttinda og starfsemi lífeyrissjóða. Það að rúnka pólitískum dagdraumum Ragnars Þórs er ekki þar á meðal,“ segir Ómar.
Sjá einnig: Icelandair slítur viðræðum við FFÍ og segir upp flugfreyjum
Vísar hann til atburða dagsins þar sem stjórn VR beindi því til stjórnar Lífeyrissjóðs verslunarmanna að sniðganga væntanlegt hlutafjárútboð Icelandair að óbreyttu, í kjölfar þess að Icelandair sleit viðræðum við Flugfreyjufélags Íslands og sagði upp flugfreyjum.
Bætir Ómar því við að hann yrði ekki hissa ef Fjármálaeftirlitið myndi rannsaka háttsemi Ragnars Þórs.
„Það myndi koma mér verulega á óvart ef FME leggst ekki í rannsókn á þessu sérkennilega blæti hans. Það yrði þá í annað skipti sem eftirlitið þyrfti að ráðast í slíkar aðgerðir eftir yfirlýsingar Ragnars á rétt rúmu ári…“
Athugasemdir