Guðmundur skilur ekki af hverju fólk móðgast yfir Eurovision-myndinni

Sam­fé­lags­rýn­inum Guðmundi Stein­gríms­syni finnst mergjað að útlend­ingar skuli móðg­ast fyrir hönd Íslend­inga vegna Eurovision-myndar Wills Ferrell.

„Í fyrsta lagi. Þetta elem­ent. Að móðg­ast fyrir hönd ann­arra. Slíkt endar alltaf úti í skurði. Á ákveð­inn hátt finnst mér eig­in­lega móðg­andi að upp­lifa það að ein­hver haldi virki­lega að ég sem Íslend­ingur sé móðg­aður yfir því að Will Ferrell fjalli ekki um menn­ing­ar­stig Íslend­inga, nýj­ustu mynd­list­ar­sýn­ingar og þess háttar, á raunsannan hátt í gam­an­mynd sinni,” skrifar Guð­mundur í skoð­un­arp­istli í Frétta­blað­inu í dag.

„Hvers lags týpa þyrfti ég að vera til að gera slíka kröfu,” spyr hann. „Ætti ég að móðg­ast, myndi ég líka frekar móðg­ast yfir því að ein­hver teldi virki­lega að ég teldi að fólk héldi að mynd Ferrels drægi upp sanna mynd af Íslend­ingum og að ég væri stress­aður út af því.”

Hann segir að fólk þurfi að vera ákaf­lega við­kvæmt til að hafa slíkar áhyggjur og minnir á að um grín­mynd sé að ræða en ekki heim­ild­ar­mynd. Flestir kunna að gera þennan grein­ar­mun, þótt stundum vilji hann gleym­ast. Will Ferrel sé ein­fald­lega að grín­ast.

Satt best að segja kveðst Guð­mundur vera feg­inn því að í kvik­mynd­inni skuli vera dregin upp ster­eótýpísk mynd af íslensku þjóð­inni sem drykk­felldum jóla­sveina­vík­inga­álfum. Hann hefði orðið dapr­ari hefði raun­særri mynd verið dregin upp af þjóð­inni, þ.e. af aðal­per­sónu mynd­ar­innar Lars, sem starfs­manni í kís­il­ver­inu á Bakka. „Sönn mynd drægi vænt­an­lega einnig fram hvað þessi þjóð getur líka verið átak­an­lega mikið úti á þekju.”