Ragnar Þór fer yfir stöðuna með lögfræðingum

Formaður VR vill ekki bregð­ast við kröfu fram­­kvæmda­­stjóra Sam­­taka at­vinnu­lífs­ins, SA, og for­­stöðu­­manns sam­­keppnis­hæfni­s­viðs SA, um að draga full­yrð­ingar sínar til baka. Hann seg­ist vera að fara yfir stöð­una með lög­fræð­ingum.

„Lög­menn fé­lags­ins og mínu per­sónu­legu lög­menn eru að fara yfir stöð­una,“ segir Ragnar Þór Ingólfs­­son, for­maður VR, í sam­tali við Frétta­blaðið, vegna yfir­lýs­ingar Hall­dórs Benja­míns Þor­bergs­sonar, fram­­kvæmda­­stjóra Sam­­taka at­vinnu­lífs­ins (SA), og Davíðs Þor­láks­sonar for­­stöðu­­manns sam­­keppnis­hæfni­s­viðs SA.

Halldór og Davíð sendu frá sér yfir­lýs­ingu í gær, sem birt­ist á heima­síða SA, þar sem þeir segja ásak­an­ir Ragnars á hend­ur sér ósann­ar. Ragnar hélt því fram í við­tali við Frétta­blaðið að margt benti til að þeir hafi beitt sér fyrir því að líf­eyr­is­sjóð­irnir fjár­mögn­uðu kaup Icelandair á fimm­tíu pró­sent hlut í Lind­ar­vatni, eig­anda Lands­símareits­ins. Í yfir­lýs­ing­unni rekja þeir Halldór og Davíð í nokkrum liðum af hverju ekk­ert af því sem Ragnar heldur fram fær stað­ist. Benda þeir meðal ann­ars á þeir hafi ekki verið komnir til starfa hjá SA þegar um­rædd endur­fjár­mögnun átti sér stað. Þeir störf­uðu þá báðir hjá Icelandair group.

„Það var því hvorki vilji, til­efni eða tæki­færi til að beita einn né neinn þrýst­ingi af okkar hálfu vegna fjár­mögn­unar fram­kvæmd­anna á Land­símareitnum. Öllum á­sök­unum um slíkt er al­ger­lega hafnað,“ segir í sam­eig­in­legri til­kynn­ingu þeirra.

Beina Halldór og Davíð þeim til­mælum til Ragnars Þórs að hann dragi fyrr­nefndar full­yrð­ingar sínar til baka og biðji um leið alla hlut­að­eig­andi afsök­unar á þeim. „Ella er óhjá­kvæmi­legt að þau sem hafa orðið fyrir órök­studdum dylgjum hans íhugi rétt­ar­stöðu sína.“ Það geti ein­fald­lega ekki annað verið að hann geri það því það sé skýrt brot á lands­lögum að ásaka sak­laust fólk um svo alvar­lega hátt­semi sem hann hafi nú gert.

Í Frétta­blað­inu er Ragnar Þór nú spurður hvort ætli að verða við beiðni þeirra og draga um­mæli sín til baka. „Ég get ekki tjáð mig um þessa frétt öðru­vísi en þannig að við lög­menn okkar erum að fara yfir stöð­una,“ svarar hann.