Ásdís birtir skilaboð sín við Rikka G og sakar hann um rasisma: „Fyrsta lagi lýgur hann“

Það vakti tals­verða athygli í vik­unni þegar dag­skrá­stjóra FM957 Ríkharð Óskar Guðnason, oft­ast þekktur sem Rikki G, kvart­aði lýsti því yfir að lagið WAP með Cardi B og Megan Thee Stallion væri við­bjóðs­legt.

Málið vakti athygli á DV en Rikki G lét orð sín falla í Brennsl­unni á FM957. „Cardi B er ekki á leið­inni hingað í spilun með þetta lag og ekki lík­legt að hún fari með fleiri lög, bara yfir höfuð,“ sagði Rikki G. Sitt sýn­ist hverjum um lagið því sumum þykir það klám­fengið en öðrum vald­efl­andi og femínískt. RÚV fór ræki­lega yfir það í vik­unni og lagið sagt óður til hold­votra skaut.

Rikki G fékk á bauk­inn frá mörgum eftir þetta og sumir sök­uðu hann um hræsni, hann hafi spilað álíka klám­fengin lög sem séu frá sjón­ar­horni karla en ekki kvenna líkt og nú. Ásdís nokkur seg­ist á Twitter hafa sent honum skila­boð vegna máls­ins. Hún seg­ist svo ekki alls kosta sátt við svör hans og birtir í heild sinni. Slíkt getur þótt umdeilt.

Rikki segir að málið snú­ist ekki um femín­isma. „Mikið rosa­lega mis­skilur fólk. Afhverju er alltaf keppni á milli karla og kvenna? Það kemur mál­inu nkl ekk­ert við hvort kona rappi þetta eða karl­maður. Mér finnst lagið mjög sveitt og eig­in­lega við­bjóðs­lega leið­in­legt og óvið­eig­andi. Það væri það líka þótt Eminem og 50 cent myndu rappa það. En að reyna að koma því á mig að sé að niðra konur er ekki svara­vert. Kemur kynjum ekk­ert við. Þetta er bara tón­listin og þetta til­tekna lag sem mér finnst sleezy. Lagið sjálft. Það er engin 10 til 15 ára krakki sem fattar boð­skap lags­ins. Dóttir mín heyrir bara WAP, whores, nigga, spit in my mouth og ég veit ekki hvað og hvað. Punkt­ur­inn minn er… Lagið er hræði­lega lélegt og ekki við­eig­andi. Ég hef einnig komið í veg fyrir spilun á dóna­legum rapp­lögum eins og Kendrick Lamar, Migos og fleiri karl­kyns­artistum þar sem textar eru grófir og klám­fengnir.“

Ásdís segir þetta ekki góð svör og sakar hann um að ljúga. „Ég sendi honum skila­boð og þetta voru svörin. Fyrsta lagi lýgur hann að hafa aldrei spilað þessa karl­menns­rapp­ara og í öðru lagi hendir hann í eitt n-orð. Margar aðrar leiðir til að segja n**** svo ég skilji það án þess að segja það,“ segir hún og bætir við það: „Mörg lög í spilun þar sem þessir “karl­menns­rapp­arar” tala niðr­andi um konur og lík­ama þeirra en go off elskan. Skrýtið point.“