Starfsmaður líkamsræktarstöðvar gerði grín að viðskiptavini með þroskahömlun – verður tekið föstum tökum segja eigendur

Starfs­maður lík­ams­rækt­ar­stöðv­ar­innar Sport­húss­ins í Reykja­nesbæ er sak­aður um að gera grín að við­skipta­vini með þroska­hömlun. Slíkt átti sér stað nýlega þegar þroska­heftur við­skipta­vinur leit­aði sér upp­lýs­inga í afgreiðsl­unni og fékk þar lítið annað en háðs­glósur frá starfs­fólki. Eigendur stöðv­ar­innar segja að málið verði tekið föstum tökum inn­an­húss. 

Hávær umræða skap­að­ist um málið innan Facebook-sam­fé­lags­ins Góða systir sem skipað er í kringum 50 þús­und konum. Þar var birtur nafn­laus póstur með lýs­ingu á hegðun starfs­manna Sport­húss­ins. „Leggur starfs­fólkið mikið uppúr því að gera grín af fólki? Hvað þá ein­hverfu fólki með þroska­skerð­ingu. Stelpa sem ég þekki var að mæta þarna í fyrsta sinn. Um leið og hún labb­aði inn í sal fóru þær að gera grín að henni og hlægja að henni. Voru að herma eftir henni og end­ur­taka það sem hún var spyrja og gretta sig í leið­inni. Já, bara gera lítið út henni. Ég er bara svo reið,“ segir við­kom­andi sem ekki vill láta nafn síns getið. Ari Elíasson og Eva Lind Ómars­dóttir, eig­endur Sport­húss­ins í Reykja­nesbæ, svör­uðu síðan færsl­unni og eftir að svarið kom fram var henni síðar eytt út. „Mál sem slík og það hátt­ar­lag sem haft var í mál­inu er með öllu ólíð­andi og verða við­kom­andi aðilar, þar sem annar þeirra er starfs­maður stöðv­ar­innar, kall­aðir fyrir og látnir svara fyrir hegðun sína. Sport­húsið hefur ávallt metið alla sína við­skipta­vini jafna, hvort sem um ræðið alheil­brigður ein­stak­lingur eða ein­stak­lingur með þroska­skerð­ingu, hér eru allir jafnir og leggjum við eig­endur gríð­ar­lega mikið upp úr því,“ segja Ari og Eva Lind.Eigendur stöðv­ar­innar leggja mikið uppúr því að allir við­skipta­vinir stöðv­ar­innar séu jafnir. Þau eiga sjálf barn með þroska­skerð­ingu. „Við sem hér stýrum þess­ari stöð teljum einmitt það vera upp­lifun fólks almennt sem hjá okkur stunda lík­ams­rækt. Und­ir­rit­aðir eiga barn með þroska­skerð­ingu og þekkja því mjög vel til hvernig er að eiga ein­stak­ling með þroska­skerð­ingu. Dóttir okkar æfir einmitt fót­bolta hér í Sport­hús­inu með Nes, íþrótta­fé­lagi fatl­að­ara á Suð­ur­nesjum, ásamt fjölda ann­ara ein­stak­linga með þroska­skerð­ingu og gengur það starf frá­bær­lega. Við vonum svo sann­ar­lega þetta muni ekki hafa áhrif á þig og þína lík­ams­rækt­ar­iðkun hjá Sport­hús­inu, málið verður tekið föstum tökum líkt og fyrr er talað um.“