Kristín fokill: „Fólk er á svimandi háum launum og aðrir fá einhverjar tvö hundruð þúsund krónur“

Kristín Ómars­dóttir ljóð­skáld seg­ist fok­ill yfir mis­skipt­ing­unni og órétt­læt­inu í íslensku sam­fé­lagi. Hún segir það svo slæmt að best væri að eyði­leggja sam­fé­lagið. Þetta ásamt öðru sagði Kristín í Tengi­vagn­inum á Rás 1. Hún sendi nýverið frá sér ljóða­safn með ljóðum sem skrifuð eru yfir 30 ára tíma­bil.

Hún seg­ist fá útrás í ljóða­skrifum sínum. „Ég finn fyrir eigin árás­ar­girni og hún er tals­verð. Ég er mjög árás­ar­gjörn þegar ég skrifa margt, en ég vil vera frið­söm, en ég vil eig­in­lega bara eyði­leggja sam­fé­lagið. Ég er ekki með­mælt þessu sam­fé­lagi,“ segir Kristín.

Hún mis­skipt­ing­una algjöra á Íslandi. „Það er ekk­ert jafn­rétti. Fólk er á svim­andi háum launum og aðrir fá ein­hverjar tvö hund­ruð þús­und krónur til að lifa. Það getur það eng­inn,“ segir Kristín og heldur áfram:

„Mér finnst þetta órétt­látt og vil þetta ekki. Ég skil ekki af hverju fólk þarf að hafa aðra til að níð­ast á. Þá gildir það bara um allt, eins og að fólk hafi ekki mátt elska þann sem þau vilja elska, konur að elska konur. Ég sé ekki for­dómana minnka. Ég held það sé vax­andi fyr­ir­litn­ing og hatur.“