Gunnar Bragi fordæmir stjórnina: „Hvers konar vinnubrögð eru það að setja hundruð milljóna í að auglýsa landið en loka því svo á einni nóttu?“

Gunnar Bragi Sveins­son, þing­flokks­for­maður Mið­flokks­ins, er æfur út í rík­is­stjórn­ina vegna algjörs stefnu­leysis í bar­átt­unni vilð kór­ónu­veiru­far­ald­ur­inn. Hann segir landið þurfa for­ystu.

Skoðun Gunnars Braga kemur fram í aðsendri grein í Morg­un­blað­inu þar sem sem hann segir lokun lands­ins skammar­lega aðgerð rík­is­stjórn­ar­innar. Hann segir stefnu­leysið algjört á tímum far­ald­urs. Rík­is­stjórnin viti ekk­ert hvað hún er að gera. „Rík­is­stjórnin ákvað að loka land­inu með svo skömmum fyr­ir­vara að ferða­menn þurftu að snúa við í Leifs­stöð þar sem við þeim blasti lokað land. Mánuðum saman hafa ráð­herrar hamrað á því að við séum ekki sloppin, veiran muni senni­lega blossa upp aftur, við þurfum að gæta okkar, vera við­búin annarri bylgju,“ segir Gunnar Bragi.

Þing­flokss­for­mað­ur­inn segir stjórn­ina hafa alfarið hafnað sam­starfi við Mið­flokk­inn þegar kemur að því að koma þjóð­inni sem best útúr far­aldr­inum. Hann skilur illa alla þá fjár­muni sem veittir voru til að aug­lýsa landið sem áfanga­stað ferða­manna sem hurfu á einu auga­bragði þegar land­inu var lokað á einni nóttu. „Millj­arðar hafa runnið úr rík­is­sjóði vegna far­ald­urs­ins, meðal ann­ars í að aug­lýsa landið, plástra vinnu­mark­að­inn, greiða bætur, öskra í kassa. Alger­lega stefnu­laust, alger­lega áætl­ana­laust og alger­lega án fram­tíð­ar­sýnar. Hvers konar vinnu­brögð eru það að segj­ast búast við að veiran blossi upp aftur en hafa svo engar áætl­anir um við­brögð?“

Gunnar Bragi segir ljós að rík­is­stjórnin viti ekk­ert hvert hún er að fara í kór­ónu­veiru­far­aldr­inum. Ekkert frekar en í öðrum málum. Hann hefur áhyggjur af því að bráðum verði gengið að eignum fólks vegna fjár­hags­vanda sem skap­ast vegna Covid-19. „Lang­tíma­stefnan er ekki til. Hvernig eiga íslensk heim­ili og fyr­ir­tæki að lifa af þegar rík­is­stjórnin býr til óvissu í stað þess að reyna að eyða henni? Á landið að vera áfram lokað? Hver er sýn þess­arar rík­is­stjórnar? Hvar er for­ystan fyrir þjóð­ina þegar á þarf að halda? Nú þarf for­ystu,“ segir Gunnar Bragi ákveð­inn.