Dularfullt dyraat vekur undrun íbúa í Langholtshverfi – „Skelkuð og búin að loka öllum gluggum“

Guðrún Sigríður nokkur upp­lýsir íbúa Lang­holts­hverfis um nokkuð dul­ar­fullt dyraat, ef svo má kalla, sem tengda­móðir hennar varð fyrir í gær­kvöld. Hún segir ungan pilt hafa bank­aði upp hjá henni og svo spurt hana um guð en hrækt á stétt­ina þegar honum leist ekki á svarið. Viðbrögð íbúa ein­kenn­ast einna helst af furðu.

Guðrún skrifar í gær: „Góða kvöldið, tengda­móðir mín lenti í því í kvöld að ungur drengur hringdi dyra­bjöll­unni hjá henni, spurði hana hvort hún tryði á ákveðin guð og þegar hún neit­aði því skyrpti hann á stétt­ina. Þeim fór ýmis­legt annað á milli en henni stóð orðið ekki á sama. Mig lang­aði bara að heyra hvort aðrir hefðu lent í svip­uðu? Hann var snyrti­lega til fara og með hlaupa­hjól með sér.“

Hún hélt að þetta væri lík­lega dyraat en þó furðu­legt að hann myndi spjalla svo við fórn­ar­lambið. „Fyrst þá hugs­aði ég bara að þetta væru bara strákar að gera bjölluat en þegar þetta sam­tal þeirra dróst á lang­inn þá fannst mér þetta frekar ein­kenni­legt,“ skrifa hún.

Hún svarar spurn­ingum nágranna í athuga­semdum. Pilt­ur­inn á að hafa verið um 12 til 13 ára. Einni konu líst ekki á blik­una og því svarar Guðrún. „Ég ætla nú ekki að skapa ein­hverja hræðslu heldur er ég að velta fyrir mér hvort þetta hafi verið mögu­lega hópur með eitt­hvað grín og fleiri lent í þessu eða hvort hún sé sú eina. Hún er reyndar aðeins skelkuð og búin að loka öllum gluggum.“

Ein kona veltir fyrir sér hvort málið snú­ist um ras­isma, enda sterk­lega gefið í skyn að pilt­ur­inn hafi verið múslími. „Krakki? Maður bendir krökkum á hvaða hegðun er ekki í lægi og/eða fær upp­lýs­ingar um for­eldra og hefur sam­band við þá. Væri sama hræðsla í gangi ef 12 ára krakka hefði spurt hvort við­kom­andi trúði á Jesús H. Krist og hrækti ef hann fengi nei­kvætt svar? Það er okkar allra að hjálp­ast að við að ala næstu kyn­slóð. Við felum okkur ekki í gard­ín­unum þegar 12 ára krakki er dóni,“ spyr eina kona.

Þessu svarar fyrr­nefnd Guðrún skil­merki­lega og segir að atvikið hefði ekki verið minna furðu­legt hefði hann spurt um Jesú. „Eins og ég sagði hér áðan fór þeim ýmis­legt annað á milli. Mér er alveg sama hvaða trú hann spurði hvort hún aðhyllt­ist og já ég hefði líka póstað þessu hér ef hann hefði spurt um Jesús H. Krist. Það sem mér lék for­vitni á að vita var hvort hann hefði bankað uppá hjá fleirum, eða hvort þetta væru mögu­lega krakkar að gera at.“