Krafa um gjaldþrotaskipti Play: „Okkur þykir leitt að Bogi hafi valið að fara þessa leið“

Einn af stofn­endum Play flug­fé­lags­ins hefur farið fram á gjald­þrota­skipti félags­ins. Krafa þess efnis var lögð fram í morgun fyrir Hér­aðs­dómi Reykja­ness.

Lögð var fram krafa um gjald­þrota­skipti flug­fé­lags­ins Play fyrir Héraðs­dómi Reykja­ness í morgun. Þetta stað­festi Arnar Már Magnús­son, for­stjóri fé­lags­ins í sam­tali við Mark­að­inn. Krafan var lögð fram af Boga Guð­munds­syni, fyrr­ver­andi fram­kvæmda­stjóra sölu-og mark­aðs­sviðs fé­lags­ins, sem hlaut ekki náð hjá nýjum eig­endum félags­ins sem tóku við eign­ar­hald­inu snemma sum­ars líkt og Mannlíf greindi fyrst frá.

Bogi var meðal stofn­enda og eig­enda félags­ins og gerir nú kröfu uppá 30 millj­ónir hjá Play. Arnar Már fram­kvæmda­stjóri sendi frá sér til­kyn­ingu vegna kröfu Boga. Þar segir að gert hafi verið upp við stjórn­and­ann fyrr­ver­andi að fullu en Bogi vilji ein­fald­lega meira. Það segir Arnar Már sárt að upp­lifa, að hann reyni nú að bregða fæti fyrir fyrrum liðs­fé­laga sína og að krafan sé komin til þar sem Bogi eigi erfitt með að sætta sig við að hafa þurft að yfir­gefa hóp­inn þegar nýir eig­endur komu inn.