Hjólaferð Kristínar Ýrar endaði með ósköpum – Fékk COVID og enga hjálp: „Enginn virðist vita það“

Kristín Ýr Gunn­ars­dóttir, ráð­gjafi og fyrr­ver­andi frétta­kona, smit­að­ist af COVID-veirunni alræmdu fyrr á þessu ári. Líkt og kom fram í sjón­varps­fréttum RÚV í gær glímir hún enn við eft­ir­köst veirunnar. Hún er 37 ára og greind­ist í mars. Hún fær enn slæma verki, hjart­slátt­ar­trufl­anir og mæði.

Hún greinir á Facebook-síðu sinni frá nýlegu atviki sem sýnir afleið­ingar þess að smit­ast af COVID. Hún fór í hjóla­ferð sem end­aði fyrir framan lækni. „Ég gerði mér þann grikk í síð­ustu viku að fara í hjóla­ferð. Ég hef liðið fyrir það síðan. Á mið­viku­dag var haus­verk­ur­inn og doð­inn í lík­am­anum svo óbæri­legur að ég leit­aði til læknis. Mér var hætt að standa á sama,“ segir hún og heldur áfram:

„Þegar ég brotn­aði þar niður sagði lækn­ir­inn: Ég er ein á vakt­inni. Ég hef ekki tíma til að taka þetta með þér núna. Svo ég bara fór heim jafn­hrædd. Ég skil að það sé álag á kerf­inu og vaktin á heilsu­gæsl­unni ekki endi­lega stað­ur­inn fyrir mig að leita á. Ég bara veit ekk­ert hvert fólk með eft­ir­köst Covid-19 á að leita. Enginn virð­ist vita það.“

Hún segir stöðu smit­aðra skelfi­lega á Íslandi. „Blaða­manna­fund­irnir eru frá­bærir – þeir fara yfir töl­fræði og hvað verið er að gera til að ná tökum á veirunni. Pepp­ræð­urnar eru flottar. Það er samt bara verið að tala við þá sem enn eru ósmit­aðir eða mögu­lega nýsmit­aðir. Við sem höfum lokið ein­angrun erum í myrkr­inu. Það vantar heild­ræna aðstoð. Við erum hvert í sínu horni með eft­ir­köst – og lækn­arnir hver í sínu horni að reyna að svara okkur á ein­hvern hátt.“