Kristján Óli Sigurðsson, fyrrverandi fótboltamaður hjá Breiðabliki og tíður álitsgjafi um íþróttina svo sem hjá Dr Football, fékk illa á baukinn á Twitter í dag. Hann gerði grín að parinu Begga og Pacas, sem slógu í gegn í þáttunum um Hæðina á Stöð 2 fyrir ríflega áratug. Fáir hlógu þó af því.
Kristján Óli birti mynd af auglýsingu Begga og Pacas á Facebook þar sem þeir óskuðu eftir iðnaðarmanni sem gæti klárað að brjóta upp gólf í bílskúr þeirra. Um það skrifar Kristján Óli: „Hægt að fá greitt fyrir að fara aðeins í bílskúrinn hjá Begga og Pacas.“
Grínið féll vægast sagt illa í kramið á Twitter. Margir deildu því og enginn þeirra gerði það því honum þótti grínið gott.
Ein þeirra sem deildi því er Inga Björk Margrétar Bjarnadóttir, formaður framkvæmdastjórnar Samfylkingarinnar og hún skrifar: „Pælið í því að vera karl í samkynja sambandi og þurfa endalaust að sitja undir svona ógeðis gríni. Karlar í samkynja samböndum eru meira en kynlífið sem þeir stunda.“
Alexandra Mjöll, dóttir Begga, á þó líklega flest læk þeirra sem gagnrýna Kristján Óla. Hún skrifar: „Ónærgætið, dónalegt, taktlaus og alls ekkert fyndið! Kveðja dóttir Beggi sem vonar að einn daginn verði samfélagið betra!“
Athugasemdir