Vilja hafa af láglaunafólki 288 þúsund krónur – „Verður mætt af hörku sem ekki hefur áður sést“

Samkvæmt lífs­kjara­samn­ingnum svo­kall­aða eiga félags­menn VR að hljóta almenna launa­hækkun upp á 15.750 krónur frá næstu ára­mótum. Það gera nærri 190 þús­und krónur á ári sem atvinnu­rek­endur vilja því sleppa við að greiða launa­fólki sínu. Lægstu taxtar hækka hins vegar enn frekar eða því sem nemur 24 þús­undum á mán­uði frá ára­mótum. Það þýðir að atvinnu­rek­endur vilja sleppa því að borga sínum lægst­laun­uðu 288 þús­und á ári.Ragnar Þór Ing­ólfs­son, for­maður VR, er afar ósáttur við full­yrð­ingar þess efnis að ekki sé inni­stæða fyrir launa­hækk­unum kjara­samn­inga um ára­mótin. Hann segir mál­flutn­ing­inn ein­fald­lega óboð­legan.

Mál­flutn­ing­ur­inn sem hér um ræðir eru skrif Þor­steins Víglunds­sonar, for­stjóra Eign­ar­halds­fé­lags­ins Horn­steins, í Frétta­blaðið. Þar segir hann for­sendur kjara­samn­inga brostnar enda ráði atvinnu­lífið ekki við þær launa­hækk­anir sem samið hefur verið um vegna Covid-krepp­unnar. Þor­steinn segir inni­stæðu­lausar launa­hækk­anir aðeins auka atvinnu­leysi og verð­bólgu. Áhyggju­efni sé að við þessar kring­um­stæður virð­ist for­ysta verka­lýðs­hreyf­ing­ar­innar ætla að stinga höfð­inu í sand­inn að mati ráð­herr­ans fyrr­ver­andi.

Ragnar Þór bendir á að Þor­steinn er fyrr­ver­andi fram­kvæmda­stjóri SA og reki í dag BM Vallá sam­steypuna sem skili lík­lega metaf­komu í kór­ónu­veiru­far­ald­inum. „Þessi mál­flutn­ingur er algjör­lega óboð­legur, sér­stak­lega kom­andi úr þeirri átt að þarna talar stjórn­andi öfl­ugrar fyr­ir­tækja­sam­steypu. Ég reikna með því að hans fyr­ir­tæki, önnur fyr­ir­tæki í bygg­inga­geir­anum og versl­anir almennt séu að skila metaf­komu. Þau hafa því sann­ar­lega burði til að standa undir þessumhækk­unum,“ segir Ragnar Þór.
Ragnar við­ur­kennir að á verka­lýðs­hreyf­ing­una hafi und­an­farið verið mik­ill þrýst­ingur frá atvinnu­rek­endum að falla frá launa­hækk­unum um ára­mótin. Hann segir það kýr­skírt að svo verði alls ekki gert. „Það gengur ekki öllum fyr­ir­tækjum vel en mörg fyr­ir­tæki eru með metaf­komu. Þó svo að sum stærri fyr­ir­tækja séu kannski að skila minni hagn­aði eru þau sann­ar­lega ekki rekin með tapi. Menn eiga ekki að fara af lím­ing­unum þó að svo sé því afkoma fyr­ir­tækja getur sveifl­ast og þetta bitnar ekki á ferða­þjón­ustu­fyr­ir­tækj­unum núna því þau eru flest ekki með starfs­fólk á launa­skrá,“ bendir Ragnar Þór á og bætir við:

„Við erum að eiga við gríð­ar­lega erfitt ástand í sam­fé­lag­inu. Við skulum ekki gleyma því að hér hefur verið lækkun vísi­tölu og veik­ing á gengi. Verð­lags­hækk­anir hafa verið gríð­ar­legar hjá birgjum og versl­unum. Þá má heldur ekki gleyma því að þegar lífs­kjara­samn­ing­ur­inn var gerður hlífðum við atvinnu­líf­inu vegna þeirra aðstæðna sem uppi voru eftir fall WOW. Þær hækk­anir sem eiga að koma inn núna eru til að vinna upp þá eft­ir­gjöf.“

Ragnar Þór er því sann­færður um að inni­stæða sér fyrir launa­hækk­unum í þjóð­fé­lag­inu. Ekki sé ein­ungis fyrir þeim inni­stæða heldur séu þær ein­fald­lega lífs­nauð­syn­legar á þessum tíma­punkti. „Þessi hækkun verður ekki gefin eftir, ekki króna. Það get ég sagt strax. Ef atvinnu­lífið ætlar að fara í enn eitt stríðið gagn­vart verka­lífs­hreyf­ing­unni þá mun ekki standa á okkur að taka mjög harka­lega á móti. Það verður gert af hörku sem hefur ekki sést hér áður. Það get ég sann­fært ykkur um,“ segir Ragnar Þór og bætir því við að honum finn­ist það algjört glapræði að farið verði í átök á vinnu­mark­aði í kór­ónu­veiru­far­aldr­inum. „Hjá okkur er engin stemn­ing að fara í átök á þessum tíma­punkti því átökum og óvissu fylgir ákveðin stöðnun. Hér mun allt fara í áður óþekkt frost ef við missum kjara­samn­inga úr hönd­unum. Ábyrgð atvinnu­lífs­ins er því mjög mikil á því hvernig þeir tala, sér­stak­lega þegar ummæli eins og þessi stand­ast ekki nokkra skoðun.“