Sigurjón læknir var rólegur í vor – Nú er hann það ekki

Sigurjón Örn Stef­áns­son svæf­inga­læknir segir á Facebook-síðu sinni að hann sé óró­legri í dag en hann var þegar COVID var sem verst í vor. Hann birtir mynd af sér sem sýnir hvernig hann er klæddur í vinn­unni. Hann segir tals­verða hættu á því að COVID fari úr bönd­unum því að fólk er orðið þreytt á ástand­inu.

„Staðan á gjör­gæsl­unni þessa dag­ana. Covid aftur.Ég birti svona mynd af mér í vor til að minna fólk á að þetta væri ekk­ert grín og að fólk yrði að fylgja fyr­ir­mælum. Nú, nokkrum mán­uðum og nokkrum dauðs­föllum seinna birti ég nýja mynd en skila­boðin eru þau sömu,“ skrifar Sigurjón og heldur áfram:

„Ég var aldrei óró­legur yfir Covid í vor. Ég vissi að við værum eins vel und­ir­búin og hægt var til að taka við þeim sjúk­lingum sem kæmu og að þjóðin sem heild myndi ná að brjóta þennan kúf og tak­marka fjöld­ann sem við þyrftum að sinna.“

Nú segir Sigurjón ekki eins rólegur. „Nú í dag er ég hálf óró­legur. Ekki vegna þess að við séum verr und­ir­búin því það erum við ekki. Ég er óró­legur því mér finnst komin þreyta í fólk yfir þessu, mér finnst margir ekki lengur vera að taka mark á því sem þarf að gera og það er fárán­legt. Það er fárán­legt því núna í dag lifum við EKKI for­dæma­lausa tíma. Við vitum alveg hvað þarf að gera til að minnka skað­ann, það eru for­dæmi fyrir því.

Í dag greindust næstum hund­rað manns. Einföld töl­fræði segir mér að einn eða tveir af þessum hund­rað muni ég þurfa að sinna á gjör­gæslu. Ekki láta mig þurfa að sinna þér á gjör­gæslu.“