Kristín gómaði pilta í stórhættulegum leik: „Þetta er rosalegt!“

Kristín Rós Heiser góm­aði tvo ung­lings­pilta við hættu­lega iðju í gær­kvöldi. Héngu þeir fram af göngu­brúnni við Skeifuna tak­andi myndir af sér.

Þetta full­yrðir Kristín Rós í íbúa­hópi hverf­is­búa í hverfi 108 á Facebook og birtir þar jafn­framt myndir af athæf­inu. Hún biður for­eldra í hverf­inu að athuga hvað drengir þeirra eru að athaf­ast að kvöld­lagi. „Tveir ung­lings­drengir voru á brúnni við Skeifuna, hang­andi fram af brúnni hlæj­andi og tak­andi myndir. Bíðandi eftir því að alvar­legt slys myndi ger­ast,“ skrifar Kristín Rós.

Það er mik­ill háska­leikur að hanga fram að svona hárri brú. Mynd / Skjáskot Facebook.

Íbúinn áhyggju­fulli seg­ist hafa gefið sig á tal við ungu dreng­ina og gert þeim grein fyrir því hversu alvar­legt athæfið er. Þeir hlógu að mér þegar ég ræddi við þá. Ef drengir ykkar eru ekki, heima, þá myndi ég hringja strax í þá. Annars þeirra var dökk­hærður og hinn ljós­hærður,“ segir Kristín Rós.

Dóru Magn­ús­dóttur, íbúa í hverf­inu, var veru­lega brugðið við að sjá mynd­irnar og heyra lýs­ing­una. „OMG! Þetta er rosa­legt!!“, segir Dóra. 

Gerður Aagot Árna­dóttir tjáir sig einnig um háska­leik drengj­anna og hvetur Kristínu til að hringja næst sam­stundis í lög­regl­una.

Auður Sig­urð­ar­dóttir, annar íbúi sem leggur til mál­anna, þakkar Kristínu Rós fyrir að gefa sig að drengj­unum og vara við alvar­leik­anum.