Grafarvogsbúar í sálarkrísu eftir heimsókn til elítunnar: „Allt svo fallegt, smart og vel gert“

Birna Katrín Sig­urð­ar­dóttir, íbúi í Grafa­vogi, er í sál­ar­krísu eftir nýlega heim­sókn í Garðabæ. Þar fannst henni allt miklu fal­legra og betur gert en í hennar heima­hverfi. Fjöl­margir Graf­ar­vogs­búar virð­ast í sömu krísu á meðan aðrir gleðj­ast yfir hverf­inu sínu.

„Þeir eru nú varla margir gos­brunn­arnir í Garðabæ er það? 🙂 Og ekki mörg torg þar heldur,“ segir Einar Karl nokkur í umræð­unni um feg­urð hverf­anna þar sem hann tekur upp hansk­ann fyrir Graf­ar­vog­inn. Í heitum umræðum inni í hverf­is­grúbbu Graf­ar­vogs­búa á Facebook er Einar með mörg skoð­un­ar­systkin þó fjöl­margir kvarti þar einnig undan hverf­inu. 

Sú sem stofnar til umræð­unnar er Birna Katrín. „Brá mér í Garða­bæ­inn og skoð­aði mig um víða. Mikið afskap­lega finnst mér Graf­ar­vogs­hverfið óspenn­andi til sam­an­burðar. Í Garða­bænum er allt svo fal­legt, smart og vel gert. Leik­svæði, göngu­leiðir, verslun, veit­inga­staðir og þjón­usta til fyr­ir­myndar. Miðað við íbúa­fjölda í Graf­ar­vogi finnst mér hverfið vera þreytt og úr sér gengið. Leik­svæðum barna er ekki vel við haldið. Það er ekk­ert huggu­legt kaffi­hús né mat­sölu­staður, engir gos­brunnar né fal­leg torg með pöllum og ein­hverjum kósý­heitum. Er virki­lega ekk­ert frum­kvæði hjá Reykja­vík­ur­borg til feg­urð­ar­auka í þessu hverfi okkar? Að mínu mati vantar einnig ein­hverja sýn hjá okkur íbúum til vekja Graf­ar­vog­inn úr þessu dái. Hvað segið þið?,“ segir Birna Katrín.

Margrét Sæberg Þórð­ar­dóttir leggur sitt til mál­anna og segir að það skorti yfir­stjórn í hverfið. „Það vantar bæj­ar­stjóra í Graf­ar­vog. Dagur pælir bara í hjóla­stígum í Vest­ur­bænum og 101,“ segir Margrét. Emma Þórunn Blom­ster­berg er heldur ekki hrif­inn af stefnu borg­ar­stjóra. „Dagur og hans hyski hata öll úthverfi þannig að það verður ekk­ert gert hér fyrr en hann fer frá völdum,“ segir Emma.

Hjördís Guð­munds­dóttir er hverf­is­systrum sínum sam­mála og telur margt í nið­ur­níslu í hverf­inu sínu. „Sammála mér finnst allt í nið­ur­níslu. Garðar illa hirtir, gang­stéttir allar brotnar og bara stór­hætta. Ég held að borgin ætti að fara að girða sig í brók,“ segir Hjördís.Þessu er Tinna Rut hins vegar mjög ósam­mála. „Finnst búið að bæta alla rólovelli alla­vega her i rima­hverfi og góðir göngu­stígar utum allt. Við erum með marga fal­lega staði. Ef þu byggjir í garðabæ vær­iru eflaust með fullt af ómögu­legum stöðum þar líka,“ segir Tinna. Á þeim buxum er Pernilla Sif Olsen Gísla­dóttir líka. „Mjög ósam­mála þér … ynd­is­legt að búa í Grafa­vogi, allt svo fal­legt og svo ynd­is­leg göngugatan í rima­hverf­inu, skítt með ein­hverja mat­staði eða bari,“ segir Pernilla. Sævar Ein­ars­son Graf­ar­vogs­búi er óánægður með umræð­una og hvetur hina óánægðu til að flytja eitt­hvað annað.