Tara í skýjunum yfir feitu nöktu fólki meðan Siggi Hlö óttast klámvæðingu barna

Svo virð­ist sem sitt sýn­ist hverjum hvað varðar nýja aug­lýs­ingu síma­fyr­ir­tæk­is­ins Nova. Í henni má sjá kviknakta Íslend­inga við leik og störf. Margrét Tryggva­dóttir, skemmt­ana­stjóri Nova, segir í við­tali við DV að aug­lýs­ingin sé til að vekja athygli á lík­ams­virð­ingu og auð­vitað vekja athygli á vörum fyr­ir­tæk­is­ins. Umdeildu aug­lýs­ing­una má sjá hér neðst fyrir neðan.

„Í öðru lagi tengj­ast skila­boðin glans­mynd­inni á sam­fé­lags­miðlum við þurfum nefni­lega að tala aðeins um lík­ams­virð­ingu. Við erum alla­vega, alls­konar og af öllum mögu­legum stærðum og gerðum,“ segir Margrét.

Það mál­efni hefur verið Töru Margréti Vil­hjálms­dóttur hug­leikið um nokk­urt skeið. Hún er hæstá­nægð með aug­lýs­ing­una. Á Twitter deilir hún skjá­skoti þar sem hún svarar Friðjóni nokkrum sem hafði skrifað í athuga­semd: „Það hlýtur að vera alveg sér­ís­lenskt að frjáls­lega vaxið bæði íslenskar konur og karlar þori að koma fram nakið í aug­lýs­ingum með svona svaka stóra feita rassa og ístru­belgi fram­aná sér. Tara verður ánægð með ykkur“

Því hafði Tara svarað: „Ég er í skýj­unum takk“.

Önnur hlið máls­ins er svo sú sem Sigurður Hlöðvers­son, Siggi Hlö, veltir upp á Facebook. Hann bendir á að hefnd­arklám og klám­væð­ing barna séu alvar­leg vanda­mál. Hann spyr því hvaða skila­boð aug­lýs­ingin sendi til ung­linga. „Allt niður í 7 ára börn senda af sér nekt­ar­myndir á net­inu. Síma­fyr­ir­tæki unga fólks­ins með alls­bert fólk í aug­lýs­ingum sínum. Góð fyr­ir­mynd?“