Neyðarástand hjá Landhelgisgæslunni – „Þetta gæti kostað mannslíf“

Eina þyrla Land­helg­is­gæsl­unnar er biluð. Það er grafal­var­leg staða því ef slys verður í dag er engin leið að koma við­kom­andi til aðstoðar. Ásgeir Erlends­son, upp­lýs­inga­full­trúi Land­helg­is­gæsl­unnar, stað­festir þetta í sam­tali við Mannlíf. Hann segir stöð­una mjög alvar­lega og allt kapp sé lagt á laga þyrl­una í dag.

Helsta ástæðan fyrir þessu er að Flug­virkja­fé­lag Íslands stendur nú í verk­falli gagn­vart gæsl­unni. Verk­fallið hófst þann 6. nóv­em­ber síð­ast­lið­inn. Georg Lárusson, for­stjóri Land­helg­is­gæsl­unnar, sagð­ist þá í við­tali við RÚV vona að hægt yrði kom­ast hjá neyð­ar­á­standi.

„Það er tak­markað sem við getum gert en von­umst til og óskum eftir að aðilar skoði þessi mál mjög vel. Og leiti allra leiða til að ná sam­komu­lagi,“ sagði hann. Nú er ljóst að það tókst ekki.

Bergur Þor­kels­son, for­maður Sjó­manna­sam­bands­ins, segir þetta skelfi­lega stöðu. Nú má ekk­ert fara úrskeiðis.

„Þetta gæti kostað manns­líf. Að sama skapi skil ég flug­virkja, ég kann­ast við þessa bar­áttu. Þetta er spurn­ing um líf og dauða, ekki bara út á sjó heldur líka á landi. Ég kross­legg fingur að ekk­ert ger­ist á meðan þessi alvar­lega staða er upp,“ segir Bergur.