Frakkaklæddur með kúrekahatt knúði dyra hjá Þórunni Antoniu: „Af hverju er ekki meiri skilningur?“

Tón­list­ar­konan Þórunn Antonía Magn­ús­dóttir fékk í morgun óvænta heim­sókn frá frakka­klæddum manni með kúreka­hatt sem færði henni bréf. Hún segir bréfið alls ekk­ert ást­ar­bréf því þar var á ferð­inni stefna vegna ógreidds kredit­korta­reikn­ings og kvartar sáran undan skiln­ings­leys­inu Covid-far­aldr­inum.

Á þess­ari heim­sókn átti Þórunn Antonía alls ekki von og lýsir hún upp­lifun sinni í færslu á Facebook. Reikn­ing­ur­inn er ógreiddur því sótt­varn­ar­að­gerðir koma alfarið í veg fyrir að tón­list­ar­konan geti unnið fyrir sér. „Allir sem mig þekkja vita að ég tek yfir­leitt öllum heim­sóknum fagn­andi á heim­lið okkar en í morg­unn bank­aði hér maður í frakka með kúreka hatt sem undir öllum öðrum kring­um­stæðum hefði ég haft gaman að en…,“ segir Þórunn og heldur áfram:

„Hann hafði bréf með­ferðis…ekki ást­ar­bréf. Nei eitt stykki stefnu fyrir ógreiddum visa­reikn­ing sem ég hef hringt vegna í bank­ann, sent email og beðið um frest á þetta er einn af mörgum ógreiddum reikn­ingum sem safn­ast nú saman og hörku­dug­lega ég mun að sjálf­sögðu greiða…þegar ég má vinna vinn­una mína.“

Þórunn lýsir erf­iðri stöðu sinni eftir að hafa sjálf verið nýkomin úr fæð­ing­ar­or­lofi þegar Covid-far­ald­ur­inn skall á. „Allir sem vita hvernig þau eru fyrir verk­taka og lista­fólk vita að það er nátt­úru­lega him­in­háar upp­hæðir eða hitt þó heldur en hey ég kvarta ekki ég fékk þó orlof sem er meira en margir aðrir. Það er nú þannig að covid bylgja eitt kom og hrifs­aði allar tekjur af lista­mönnum og fleiri starf­stéttum byrjun árs og margir eru í sömu stöðu og allt fólk sem hætti sinni vinnu með glöðu geði til að hjálpa til að bjarga manns­lífum. Stöðva heims­far­ald og hætta í okkar vinnu með hag ann­ara fyrir brjósti. Ég ítreka Með glöðu geði,“ segir Þórunn.

Tón­list­ar­konan spyr net­verja hvers vegna sam­fé­lagið sýni ekki meiri skiln­ing, til að mynda sjálfri sér sem sé með 125 þús­und krónur í atvinnu­leys­is­bætur með tvö lítið börn á fram­færi. Hún seg­ist alls ekki skamm­ast sín fyrir að ganga í gegnum erfitt tíma­bil og lætur það ekki buga sig. „Afhverju er ekki meiri skiln­ingur á því að fólk geti ekki greitt alla sína reikn­inga einn tveir og bingó í þessu ástandi? Afhverju stöðva tann­hjólin ekki líka í inn­heimt­urnar og reikn­inga­flæðið þegar fólki er bannað að vinna til þess að bjarga öðrum og minnka álag á heil­brigð­is­kerfið? Ég hljóma eins og rassálfur í Ronju Ræn­ingja­dóttir ég skil og veit og þessi status er ekki ein­hver aum­ingja ég status því ég er þannig kona að ekk­ert bugar mig og ég redda öllu alltaf,“ segir Þórunn og bætir við:

„Heldur er ég bara þannig að ég skamm­ast min ekk­ert fyrir að ganga í gegnum erfið tíma­bil og deila því með öðrum því ég er mann­leg, því við erum flest í þess­ari stöðu i mínum bransa og ég skil ekki að það sé ekki búið að gera plan með sam­kennd og skiln­ing i huga td hjá bönkum og inn­heimltu­sjóðum sem bannar þeim að stefna tekju­lausu fólki þangað til að hörð­ustu tak­mörk­unum léttir og stjórn­völd eru loks­ins búin að efna sín lof­orð um að koma til móts við þessa hópa og gera þetta umsóknar plagg á síðu skatts­ins. Annars er ég bara hress og stend með ykkur öllum sem eruð í sömu sporum og hlakka svo til að knúsa ykkur öll og spila tón­leika og alls­konar skap­andi og skemmti­legt eða halda brennu með ógreiddum reikn­ingum á gamlárs­kvöld.„’“