Staðfesta kórónuveiru í frosnum matvælum – Júllinn mátti landa þrátt fyrir grasserandi Covid-smit

Heibrigð­is­yf­ir­völd í Wuhan-hér­að­inu kín­verska stað­festu nýverið ummerki kór­ónu­veirunnar í frosnu nauta­kjöti. Kjötið var upp­haf­lega flutt inn frá Brasilíu.

Frá þessu greinir norski fjöl­mið­il­inn Fin­ansa­visen sem aftur vísar til kín­verskra rík­is­fjöl­miðla. Heil­brigð­is­yf­ir­völd í Kína gáfu það út fyrr í vik­unni að veiran skæða geti lifað af í miklum kulda, ólíkt bakt­er­íum og öðrum sníkju­dýrum.

Frá því í sumar hefur kór­ónu­veiran greinst í frosnum mat­vælum í tíu mis­mun­andi hér­uðum í Kína. Það er ekki langt síðan að Mat­væla­stofnun úrskurð­aði hér að ekki þyrfti að með­höndla frysta mat­vöru með öðrum hætti en venju­lega þrátt fyrir stað­fest Covid-smit fjöl­margra þeirra sem með­höndl­uðu vör­una.

Sá úrskurður sneri að frægum Covid-túr frysti­tog­ar­ans Júlíusar Geir­munds­sonar frá Ísafirði þar sem nærri allir skip­verjar smit­uð­ust. Sjó­menn­irnir voru veikir á hafi úti í næstum þrjár vikur og með­höndl­uðu þar afla tog­ar­ans í veik­indum sínum. Eftir túr­inn var bæði útgerðin og skip­stjóri tog­ar­ans kærð til lög­reglu. Stefnt er að því að haldin verði sjó­próf til að skera úr um hvað gerð­ist um borð en bæði fram­kvæmda­stjóri útgerðar og skip­stjór­inn hafa gefið það út að þær ætla ekki að mæta.

Aflinn var frystur um borð í Júlíusi. RÚV ræddi við sér­fræð­ing hjá Mat­væla­stofnun þegar ljóst var orðið að útgerðin hafi viljað landa afl­anum og grænt ljóst fékkst frá stofn­un­inni.„Það er nátt­úr­lega ákvörðun fyr­ir­tæk­is­ins en sam­kvæmt þeim upp­lýs­ingum sem við höfum í dag er ekk­ert sem bendir til þess að veiran geti borist með mat­vælum. Það eru rann­sóknir sem benda til þess að veiran geti lifað lengi í frysti, en veiran þarf hýsil til að fjölga sér, hún getur alls ekki fjölgað sér. Hún gæti hugs­an­lega verið til staðar en nú eru þetta mat­væli sem á að hita fyrir neyslu og hita­með­höndl­unin myndi þá drepa hana ef hún væri til staðar, ef svo ólík­lega vill til að hún sé til staðar,“ sagði Dóra S. Gunn­ars­dóttir sviðs­stjóri neyt­enda­verndar hjá Mat­væla­stofnun.