Stuðningsmenn Guðmundar segja lógó nýja flokksins ljótt: „Skelfilegt, eins og dömubinda auglýsing“

Guð­mundur Franklín Jónsson for­seta­fram­bjóð­andi er hvergi nærri hættur í póli­tík þó hann hafi ekki orðið for­seti. Hann stefnir á að bjóða sig fram í kom­andi kosn­ingum undir for­merkjum nýs flokks, sem mun heita Frjáls­lyndi lýð­ræð­is­flokk­ur­inn. Helstu mark­mið flokks­ins eru eft­ir­far­andi sam­kvæmt lýs­ingu á Facebook:

„a) Beint lýð­ræði verður ástundað í formi þjóð­ar­at­kvæða­greiðslna um mik­il­væg mál­efni. b) Öllum íbúum sam­fé­lags­ins verða tryggð grund­vallar mann­rétt­indi sem fel­ast í öryggi til dag­legs lífs, fæðu og húsa­skjóls. c) Aðhald verður tryggt í rík­is­rekstri og dregið úr álögum á ein­stak­linga og fyr­ir­tæki. d) Auð­lindir í eigu þjóðar og hand­færa­veiðar frjálsar öllum íslenskum rík­is­borg­urum.“

Í gær kynnti Guð­mundur ein­kenn­is­merki þessa flokks fyrir stuðn­ings­mönnum sínum innan þar til gerðs Facebook-hóps. Það má sjá hér fyrir neðan. Óhætt er að segja að stuðn­ings­menn hans séu ekki sam­mála um ágæti merk­is­ins.

Sumir segja það flott. „Fallegt … og tákn­rænt,“ skrifar einn meðan annar segir: „Nokkuð gott. Mér fannst það þó betra þegar það var lagt á hlið­ina. Sá him­inn og haf og sólin að rísa“.

Líklega eru þó fleiri sem telja merkið mis­heppnað. „Skelfi­legt logo. Eins og dömu­binda aug­lýs­ing. Meira að segja sömu litir. Hahahaah,“ skrifar ein kona. Karl­maður nokkur skrifar: „Minnir á hval. Kvalræði.“. Svo er önnur kona sem seg­ist ekki skilja tákn­mynd þess. „Ég er ekki alveg að átta mig á þessu merki. Góð merki eiga að vera lýsandi fyrir það sem það stendur fyrir! Hvað á þetta á vera?“

Einn maður sér þó margt í þessu merki: „Eitthvað skrítið, eins og kerta­logi í lag­inu, nema log­inn er eins og sólin í lag­inu. Svolítið eins og auga líka. Lita­sam­setn­ing ekki góð, Blái hlut­inn minnir svo­lítið á Búrhval. Græni hlut­inn er að gleypa sól­ina, eða kjarn­orku- hita­gjafann, veit ekki en kannski venst þetta bara.“