Júlíus Geirmundsson kallaður aftur í land vegna Covid-19 – Óvissa um framtíð skipstjórans

Frysti­tog­ar­inn Júlíus Geir­munds­son ÍS neydd­ist til að fara í land í síð­ustu viku vegna Covid-veik­inda skip­verja um borð. Um var að ræða skip­verja sem veikt­ust af veirunni skæðu í hinum frægja Covid-túr tog­ar­ans og fór út aftur eftir frítúr. Heim­ildir Mannlífs herma að skip­verji hafi ekki verið búinn að ná sér betur en svo að við­kom­andi hafi veikst illa í yfir­stand­andi túr og því hafi þurft að stefna skip­unu aftur til Ísa­fjarðar.

Júlliinn fór i þennan túr rúmri viku og átti að vera úti sleitu­laust fram á Þor­láks­messu. Það gekk ekki eftir því Covid-veik­indi urðu til þess að tog­ar­innar fór í land á þriðju­dag­inn síð­asta eftir því sem Mannlíf kemst næst. Skip­verji,sem veikt­ist af Covid-19 í hinum fræga túr, fór nú út með skip­inu en ekki leið á löngu þar til bakslag kom í veik­indi við­kom­andi. Heim­ildir Mannlífs herma að skip­verj­inn hafi verið á end­anum orðið það veikur að snúa þurfti skip­inu við til Ísa­fjarðar. Um var að ræða típísk Covid-19 eft­ir­köst sem í ljós komu þegar skip­verjarnir hófu vinnu um borð, sem sýnir hversu skæð veiran er því við­kom­andi hafði tekið frítúr á milli til að reyna að jafna sig. Ljóst er að skip­verj­inn var þó kom­inn af því stigi að geta smitað aðra.

Bæði sjó­prófum vegna covid-túrs­ins fræga og rann­sókn lög­reglu er lokið. Beðið er eftir nið­ur­stöðu hvoru­tveggja en það voru stétt­ar­fé­lög sem tóku sig saman og kærðu bæði útgerð­ina og Svein Geir Arn­ars­son skip­stjóra til lög­reglu.

Þá fljúga þær sögur nú hátt um Vest­firði að útgerðin, Hrað­frysti­húsið Gunnvör, hafi tekið þá ákvörðun að senda Svein Geir Arn­ars­son, annan skip­stjóra Júlíusar Geir­munds­sonar, sem stýrði skip­inu í áður­nefndum túr, aftur út með togar­ann snemma á nýju ári. Skip­verjarnir hafa sjálfir risið upp gegn skip­stjór­anum þegar þeir sendu bréf á útgerð­ina og kröfð­ust afsagnar hans.

Valdimar Stein­þórs­son, útgerð­ar­stjóri Hrað­frysti­húss­ins Gunn­varar, vildi hvorki ræða sögu­sagn­irnar um fram­tíð skip­stjór­ans né þá stað­reynd að skip­inu hafi nýverið snúið aftur til bryggju við Mannlíf þegar eftir því var leitað. Hann sleit öllum sam­tölum taf­ar­laust með því að skella á. Það gerði Sveinn Geir, skip­stjóri Júlíus Geir­munds­sonar, einnig.