Sóley fylgdist með manni róta í ruslinu hennar – Svo kom hann á óvart: „Fallegt að sjá þetta“

Mörgum þykir óþægi­legt þegar svo­kallað dósa­söfn­un­ar­fólk róta í rusla­tunnum við heim­ili sitt. Sóley nokkur bendir íbúum Norð­ur­mýr­ar­innar í Reykja­vík á að fólk ætti ekki að dæma bók­ina eftir káp­unni. Þó fólk sé fátækt og í neyð þá sé það ekki verra fólk en annað. Hún seg­ist innan Facebook-hóps íbúa hafa fylgst með einni slíkri mann­eskju á dög­unum. Það sem hún sá kom henni skemmti­lega á óvart.

„Oft skap­ast leið­in­leg umræða vegna fólks sem fer óum­beðið í gegnum ruslið okkar í leit að pen­ingum í flösku­formi. Vildi bara setja hér einn jákvæðan punkt á móti. Ég var að fara út með ruslið áðan akkúrat þegar ein af “rusla-flösku/dósa­söfn­un­ar­mann­eskj­unum” er að fara í gegnum rusl nágrann­ans. Ég býð góðan dag­inn bara kurt­eis­is­lega og mann­eskjan spyr á móti hvort ég eigi flöskur, ég svara nei,“ lýsir Sóley.

Hún ákvað að fylgj­ast aðeins með þessu. „Eftir að ég kem inn aftur fylgist ég aðeins með mann­eskj­unni þar sem hún fer á milli tunnu eftir tunnu hjá nágrönn­unum í leit að flöskum. Það skemmti­lega er, að ég sé að við­kom­andi sorterar rusl nágrann­anna í leið­inni! Veiðir upp pappa­kassa og annan pappír úr svörtu tunn­unum, brýtur saman og setur sam­visku­sam­lega yfir í bláu tunn­una. Ekki bara hjá einum granna, heldur þeim næsta líka. Er þetta etv útsend­ari frá plánetu Jörð að efla end­ur­vinnslu, en ekki mann­eskja í neyð? Mér þótti alla­veg­anna fal­legt að sjá þetta og hugs­aði hlý­lega til við­kom­andi,“ lýsir Sóley.

Flestir nágrannar hennar taka vel í þetta og einn skrifar: „Laumaðu af henni nokkrum hund­rað köllum næst þegar þu hittir hana og gefðu henni allar tómu flösk­urnar þínar! Jóla góð­verk!“ Sóley svarar og segir að það muni hún hik­laust gera.