Guðlaugur saknar sárt móður sinnar sem var aðeins 47 ára er hún lést: „Þú varst besti vinur minn“

Guð­laugur Victor Pálsson, lands­liðs­maður Íslands í knatt­spyrnu, minn­ist móður sinnar, Ástu Mörtu, í hart­næmri færslu á Instagram. Hún lést 27. nóv­em­ber eftir langa bar­áttu við áfengis- og vímu­efnafkn, aðeins 47 ára að aldri.

Guð­laugur minn­ist móður sinnar með hlýjum og fal­legum orðum. „Kæra mamma mín sem ég elskaði svo mikið er látin 47 ára að aldri eftir langa bar­áttu við áfengis og vímu­efnafíkn.

Til elsku­legar móður minnar.
Ég átt­aði mig aldrei á því hvað orðin „Ég sakna þín“ þýða þar til núna. Ég var ekki til­bú­inn að segja bless, vonin lifði svo sterkt hjá mér um að þú myndir jafna þig og koma til baka. Nú er sú von farin og það er sárt. Ég veit hversu mikið þú reyndir og barð­ist. Þú vildir ekk­ert meira en að koma til baka og vera til staðar fyrir börn þín og barna­börn. Axel var hepp­inn að hafa þig í lífi sínu. Þú elskaðir hann mjög mikið og hann elskaðir þig. Ég lofa því að hann mun alltaf minn­ast þín.
Þú gerðir þitt allra besta, ég veit þú gerðir það.
Lífið var ekki alltaf auð­velt eða sann­gjarnt fyrir þig og ég vil að þú vitir að ég er svo stoltur af þér.
Þú varst góð móðir og besti vinur minn. Síðustu árin voru erfið fyrir okkur en þegar ég ólst upp, þrátt fyrir erf­iða tíma, þá hefði ég ekki viljað eiga neina aðra mömmu. Góðu minn­ing­arnar munu lifa með mér að eilífu. Ég er sá sem ég er út af þér og ég mun halda áfram að vinna í að vera besta útgáfan af sjálfu mér eins og þú vildir. Ég mun halda áfram að láta þig vera stolta af mér og ég mun halda áfram að berj­ast fyrir allt sem þú trúðir og stóðst fyrir.
Hlýja og stóra hjartað þitt verður sárt saknað. Þú varst svo góð og vildir hjálpa öllum sem þurftu á að halda. Þú varst svo elsku­leg og góð við alla sem þú komst nálægt.
Ég biðst afsök­unar á að hafa ekki alltaf skilið þar sem þú varst að ganga í gegnum en núna geri ég það. Ég fyr­ir­gef þér fyrir allt og vona að þú fyr­ir­gefir mér.
Ég hef trú á því að þú lifir í friði og á betri stað núna.
Þetta er ekki kveðju­stund fyrir okkur. Hvar sem þú ert þá verður þú alltaf í hjarta mínu. Ég hef alltaf og mun alltaf elska þig.
Þinn sonur,
Gulli Victor.“