Þetta eru skilaboðin sem gerðu allt vitlaust í gær – „Katrín að tengja mig nánast við hryðjuverk“

„Ég bjóst ekki við þessu hér á Íslandi. Mér er mjög illa við að Katrín sé nán­ast að tengja mig við hryðju­verk. Ég er heim­il­is­laus eftir þessar ham­farir og var bara að reyna að standa með mínu nær­sam­fé­lagi. Hingað til hef ég verið svo stoltur af því að hér á Íslandi geti maður haft sam­band við stjórn­mála­menn per­sónu­lega.“

Þetta segir Jonathan Moto Bisagni, íbúi á Seyð­is­firði, í sam­tali við Mannlíf. Upp var fótur og fit í gær þegar full­yrt var að Katrínu Jak­obs­dóttur for­sæt­is­ráð­herra hafi borist hótun frá manni sem reynd­ist síðar vera Jonathan.

Hann segir að einu skila­boð hans til Katrínar sem komi til greina séu tvær athuga­semdir sem hann skrif­aði við færslur hennar. Hann seg­ist ekki hafa síma­núm­erið hennar. Það er nán­ast óskilj­an­legt hvernig lög­regla gat túlkað athuga­semdir hans sem líf­láts­hótun. Hann er harð­orða en marg­falt þyngri orð hafa fallið við minna til­efni.

Báðar athuga­semdir voru skrif­aðar á ensku og má lesa hér fyrir neðan. Í fyrri skila­boð­unum biður Jonathan Katrínu um að taka ábyrgð á þessum harm­leik, hún beri ábyrgð á því að allir Íslend­ingar búi í öruggum aðstæðum. Í seinni skila­boð­unum vísar Jonathan til þess að það hafi margoft verið varað við aur­skriðum sem þessum, síð­ast í fyrra. Í sam­tali við Mannlíf segir Jonathan að það hafi fokið í sig þegar Katrín fór að tala eins og ekki hafi verið hægt að kom­ast hjá þessu. „Það var óum­flýj­an­legt að þetta myndi ger­ast. Þú stóðst ekki með okkur þegar þér gafst tæki­færi til þess. Það kostar minna að hreinsa og laga en hefði kostað að koma í veg fyrir þetta með aðgerðum í fyrra. Þar sem engin lést þá lít ég svo á að þú hafir sparað pen­ing með því að gera ekk­ert.“

Hér fyrir neðan má lesa athuga­semd­irnar og dæmi hver fyrir sig.