Valgerður biður um hjálp: „Dauðhrædd að barnið myndi deyja fyrir framan okkur“

Val­gerður Krist­jáns­dóttir biðlar til net­verja um aðstoð við að finna barn sem slas­að­ist illa á vinnu­stað hennar. Barnið hafði hlaupið í gegnum nýpúss­aða glugga ísbúð­ar­innar sem hún vann í með þeim afleið­ingum að barnið slas­að­ist illa og blóð var um alla búð.

Val­gerður von­ast nú eftir því að finna út um afdrif barns­ins en hún fjallar um atburð­inn í færslu á Facebook. Það er tals­vert langt síðan þetta gerð­ist. „Mig vantar mikla hjálp frá ykkur ef þið kann­ist við það sem ég ætla að skrifa um. 1986 fyrir 34 árum síðan vann ég í Ísbúð­inni hjá Kjörís á Háa­leit­is­braut í Reykja­vík. Það var gluggi frá lofti og niður í gólf og þessi gluggi varð alltaf að vera stíf púss­aður og virk­aði á mig sem slysagyldra,“ segir Val­gerður og heldur áfram með lýs­ing­una< „Þegar búið var að pússa gluggan og sólin skein á hann þá var eins og það væri opið út en ekki gluggi. Ég átti alltaf í erf­ið­leikum með að pússa gluggan úti og skildi hálfan gluggan eftir skítugan til að það sæist að þetta væri gluggi. Einn dag­inn kom kona með barn með sér til að kaupa ís og bað barnið um að hlaupa út í bíl til afa síns til að fá að vita hvernig ís afinn vildi. ÞANN DAG VAR MARTRÖÐIN. BARNIÐ hljóp í gegnum glugg­ann og það var 2 falt gler í glugg­anum.“

Val­gerður var í áfalli eftir atburð­inn enda varð barnið illa úti þegar gler­brot­unum rigndi yfir það. „BARNIÐ var allt skorið og með gler­brot um allt ég var sem betur fer við sím­ann þegar þetta skeði og hringdi strax á Sjúkra­bíl og Lög­regl­una það versta var að við gátum ekk­ert gert fyrir barnið á meðan við biðum eftir Sjúkra­bílnum gler­brotin í barn­inu voru um allt og fötin öll í gler­brotum það var blóð um allt líka og við öll í áfalli yfir þessu,“ segir Val­gerður sem von­ast nú til að finna ein­stak­ling­inn sem þá var barn í ísbúð­inni:

„Ég játa það að ég var dauð­hrædd um að barnið myndi deyja fyrir framan okkur. Hvað barnið hét veit ég ekki né heldur hvað það var gam­alt. Ég vona að ein­hver kann­ist við þetta og geti sagt mér hvernig fór fyrir barn­inu. Þið megið deila þessu fyrir mig. Ég vil byrja nýtt ár á að fá upp­lýs­ingar um þetta barn.“