Vigdís Finnboga á vappi með síkópata – Sólveig segir nóg komið: „Hann kallaði svart fólk apa“

Sólveig Anna Jóns­dóttir, for­maður Eflingar, segir nóg komið af aug­lýs­ingum frá sam­starfs­verk­efn­inu Erfða­gjafir sem sjást nú í sjón­varp­inu. Þar megi sjá Vigdísi Finn­boga­dóttur, fyrr­ver­andi for­seta, ásamt Ronald Reagan, þáver­andi Banda­ríkja­for­seta. Sólveig segir Reagan hafa verið sið­lausan ras­ista og ekki við hæfi að upp­hefja hann nú.

„„Áhuga­vert“ að þessi aug­lýs­ing frá ein­hverju fyr­ir­bæri sem heitir Erfða­gjafir  (sam­starfs­verk­efni Almanna­heilla, Amnesty International, Barna­heilla, Blindra­fé­lags­ins, Hjálp­ar­starfs kirkj­unnar, Krabba­meins­fé­lags­ins, Rauða kross­ins, SOS barna­þorpa, Styrkt­ar­fé­lags krabba­meins­sjúkra barna og UNICEF á Íslandi) sé komin aftir í spilun, á nákvæm­lega sama tíma og öll sjá ras­is­mann í Ameríku með eins skýrum hætti og hægt er að hugsa sér. Hér er talað um Ronald Reagan, and­legan föður þess Repúblíkana­flokks sem haft hefur Trump sem leið­toga í fjögur ömur­leg ár, and­legan leið­toga allra þeirra sík­ópata og sycophanta sem manna valda­stöður flokks­ins, sem ein­hvern sér­stakan vin okkar og hann sýndur ganga glaður með Vigdísi Finn­boga­dóttur,“ skrifar Sólveig.

Hún segir Reagan hafa verið skeppnu. „Reagan var grimmur kyn­þátta­hat­ari en hægrið hefur fengið að kom­ast upp með að dýrka hann sem spek­ing og frelsis-for­ingja. Ég gagn­rýndi þessa aug­lýs­ingu í aðdrag­anda heim­sóknar félaga Angelu Davis en Reagan hataði hana og ofsótti vegna þess að hún var svartur komm­ún­isti og geri það aftur núna,“ segir Sólveig.

Hún vitnar svo upp­töku af sam­tali Reagans við annan for­seta, Richard Nixon, þar sem sá fyrr­nefndi kall­aði afr­íkska erind­reka apa. „Ronald Reagan var ras­isti. Það er ekk­ert hægt að kom­ast fram hjá því. Hann gerði út á ras­isma og fékk atkvæði ras­ista. Hann stóð fyrir árásum á fátækt svart fólk og gróf undan rétt­indum þeirra (hann var líka ógeðs­legur hat­urs­maður sam­kyn­hneigðra). Hann kall­aði svart fólk apa sem kynnu ekki að ganga í skóm. Hann var ömur­legur nars­is­isti og vond mann­eskja,“ segir Sólveig og krefst þess að lokum að sam­tökin hætti að sýna þessa aug­lýs­ingu.

„Ég krefst þess að þessi ömur­lega aug­lýs­ing verði tekin úr sýn­ingu. Hún er fárán­leg við­bót við heimska og and­styggi­lega sögu hvítrar yfir­burð­ar­hyggju. Burt með bullið, hættum að láta eins og það sé sjálf­sagt og eðli­legt. Það er löngu komið miklu meira en nóg af því.“