Vesturbæingar skíthræddir við sprengingar: „Húsið skelfur og nötrar, nágrannar mínir líka hræddir“

Íbúar í Vestu­bænum í Reykja­vík segja húsin í hverf­inu nötra og skelfa vegna spreng­inga. Þeir eru sumir hverjir bæði hræddir og undr­andi á ástand­inu.

Þetta má sjá á umræðu hverf­is­búa á Facebook þar sem rætt er um hinar dul­ar­fullu spreng­ingar. Það er Hildur nokkur sem stofnar til umræð­unnar. „Er á Fram­nes­vegi nálægt Vest­ur­götu. Getur ein­hver upp­lýst mig um hvaðan, eða útfrá hverju, spreng­ing­arnar koma sem hafa komið nokkrum sinnum síð­ustu daga? Húsið skelfur og nötrar og nágrannar mínir hafa einnig hræðst og undr­ast þetta. Héldum fyrst að eitt­hvað þungt hefði dottið í hús­inu en þetta eru greini­lega/lík­leg­ast ein­hverjar úti­fram­kvæmdir,“ segir Hildur.

Skýr­ingin á spreng­ing­unum kemur fljót­lega fram í grúbb­unni. Þar eru á ferð­inni bygg­inga­fram­kvæmdir á svoköll­uðu Stein­dórs­plani þar sem verið er að sprengja fyrir hús­grunni. Búið var að vara við spreng­ingum í til­kynn­ingu til íbúa. Þó ekki allra. „Ég fékk enga til­kynn­ingu þó ég búi beint á móti. Hmm!,“ segir Guðrún.

Ella býr líka í nágrenn­inu og hún hefði viljað vera vöruð við fyrir hverja sprengju. „Bý líka á Fram­nes­vegi, milli Holts­götu og Vest­ur­götu. Ég heyri þó engin við­vör­un­ar­hljóð, eins og sagt var að kæmu rétt fyrir spreng­ingu,“ segir Ella.